ഐഎസ്എല്ലില്‍ വീണ്ടും ആരാധകര്‍ തമ്മിലടി. കഴിഞ്ഞ ദിവസം നടന്ന മഹാരാഷ്ട്ര ഡെര്‍ബിക്ക് ശേഷമാണു സംഭവം. മുംബൈ സിറ്റി എഫ്‌സിയുടെ ആരാധകരെ പൂണെ സിറ്റിയുടെ ആരാധകര്‍ കൂട്ടം ചേര്‍ന്ന് അക്രമിക്കുകയായിരുന്നു.പൂണെ സിറ്റി ആരാധകര്‍ മുംബൈ ആരാധകരെ വടിയും കല്ലുകളും വെച്ച് ആക്രമിക്കുന്ന ദൃശ്യങ്ങൾ സോഷ്യൽ മീഡിയയിൽ ചർച്ചയായിരുന്നു.
ഇതോടെ ഐഎസ്എല്ലില്‍ എവേ സ്റ്റാന്റുകള്‍ വേണമെന്ന ആവശ്യം ശക്തമാകുകയാണ്. എതിര്‍ ടീം ഫാന്‍സിനു സുരക്ഷിതമായി കളികാണാന്‍ സൗകര്യം ഉണ്ടാകണമെന്ന് മുംബൈ സിറ്റി എഫ്‌സിയും ആരാധകരും ആവശ്യപ്പെട്ടു. ഇന്നലെ ബലേവാഡി സ്റ്റേഡിയത്തില്‍ നടന്ന മത്സരത്തില്‍ പുനെ സിറ്റി യാണ് 2-1 ന് വിജയിച്ചത്. ഒരു ഗോളിനു പിന്നിട്ടു നിന്ന ശേഷം കളിയുടെ അവസാന ഘട്ടങ്ങളില്‍ രണ്ടു ഗോള്‍ തിരിച്ചടിച്ചാണ് പൂനെ വിജയിച്ചത്. ഇതോടെ കാണികൾ തമ്മിൽ അടി ഉണ്ടാകുകയുമായിരുന്നു.
Post Your Comments