ദുബായ് : ദുബായില്‍ പുതുതായി ജോലി തേടി എത്തുന്നവര്‍ക്കും, തൊഴിലാളികള്‍ക്കും ഒരു നേരത്തെ സൗജന്യ ഭക്ഷണം നല്‍കി ഒരു റസ്റ്റോറന്റ് . ഇത് അല്‍ബറിലുള്ള ഫുള്‍ വൂ ഹുമൂസ് റസ്റ്റോറന്റ്. നിങ്ങള്‍ക്ക് ഭക്ഷണം വാങ്ങാന്‍ കഴിവില്ലാത്തവരാണെങ്കില്‍ ഇവിടുന്ന് ഒരു നേരത്തെ ഭക്ഷണം സൗജന്യമാണ്. ഇത് ദൈവത്തിന്റെ ദാനമാണ്. ഈ വരികള്‍ ചെറിയ കുറിപ്പായി ഇംഗ്ലീഷിലും അറബിയിലും എഴുതി വെച്ചിരിക്കുന്നു.
ഈ റസ്റ്റോറന്റിന്റെ ഉടമ ജോര്‍ദാനിയക്കാരനാണ്. നിര്‍മാണ മേഖലകളിലെ തൊഴിലാളികളും പുതിയതായി ജോലി തേടി എത്തുന്നവരുടെ കൈയില്‍ കുറഞ്ഞ തുകയായിരിയ്ക്കും ഉണ്ടാകുക. ഇക്കാരണത്താല്‍ അവര്‍ ഏതെങ്കിലും ഒരു നേരത്തെ ഭക്ഷണം ഒഴിവാക്കുകയാണ് ചെയ്യുന്നത്. ഇത് നേരിട്ട് മനസിലാക്കിയ ശേഷമാണ് ഈ റസ്റ്റോറന്റില്‍ നിന്ന് പത്ത് പേര്‍ക്ക് ഒരു നേരത്തെ ഭക്ഷണം സൗജന്യമായി നല്‍കുന്നത്.
മാത്രമല്ല ഭക്ഷണം അനാവശ്യമായി കളയുന്നത് ഒഴിവാക്കാനും ഇതുവഴി കഴിയുമെന്ന് അദ്ദേഹം പറയുന്നു. അഞ്ച് വര്‍ഷമായി ഈ പുണ്യ പ്രവര്‍ത്തി തുടരുന്നതായി റസ്റ്റോറന്റ് ഉടമ മുഹമ്മദ് പറയുന്നു.
Post Your Comments