തിരുവനന്തപുരം: സോഷ്യല്‍മീഡിയയില്‍ ഹാഷ്ടാഗ് സമരവുമായി പ്രതിപക്ഷ നേതാവ് രമേശ് ചെന്നിത്തല രംഗത്ത്. ഫോര്‍ ബെറ്റര്‍ റോഡ് എന്ന ഹാഷ് ടാഗോടെ റോഡ് കാംപെയ്നുമായാണ് രമേശ് ചെന്നിത്തല രംഗത്തെത്തിയിരിക്കുന്നത്. ഫേസ്ബുക്ക് പോസ്റ്റിലൂടെയാണ് തന്റെ പുതിയ സമരരീതിയെക്കുറിച്ച് രമേശ് ചെന്നിത്തല അറിയിച്ചത്. കേരളത്തില്‍ അങ്ങുമിങ്ങും കാണുന്ന പൊട്ടിപ്പൊളിഞ്ഞ റോഡുകളും അപകട മരണങ്ങളുമാണ് ഫേസ്ബുക്ക് കുറിപ്പിന് പ്രചോദനമായതെന്ന് രമേശ് ചെന്നിത്തല വ്യക്തമാക്കി.
റോഡിന്റെ ശോചനീയാവസ്ഥ വ്യക്തമാക്കുന്ന ചിത്രങ്ങള്‍ മൊബൈലില്‍ പകര്‍ത്തിയെടുത്ത് #forbetterroad, #psdsyorukkam എന്ന ഹാഷ്ടാഗോടെ ഫേസ്ബുക്ക് ഉള്‍പ്പെടെയുള്ള സമൂഹമാധ്യമങ്ങളില്‍ പോസ്റ്റ് ചെയ്യാം. സോഷ്യല്‍ മീഡിയയിലെ സുഹൃത്തുക്കളോട് എനിക്ക് ഒരു കാര്യം പങ്ക് വയ്ക്കാനുണ്ട്. നിങ്ങള്‍ സഞ്ചരിക്കുന്ന റോഡിന്റെ ശോചനീയാവസ്ഥ വ്യക്തമാക്കുന്ന ചിത്രങ്ങള്‍ മൊബൈലില്‍ പകര്‍ത്തി ഫേസ്ബുക്ക് ഉള്‍പ്പെടെയുള്ള സാമൂഹ്യമാധ്യമങ്ങളില്‍ പോസ്റ്റ് ചെയ്യൂ. സംസ്ഥാന സര്‍ക്കാര്‍ ഉണരുന്നത് വരെ നമുക്ക് ഈ പുതിയ സമരരീതി തുടരാം എന്നാണ് രമേശ് ചെന്നിത്തല ഫേസ്ബുക്കിലൂടെ വ്യക്തമാക്കിയിരിക്കുന്നത്.
Post Your Comments