ചണ്ഡിഗഡ്: ഗ്യാസ് ബലൂണ്‍ പൊട്ടിത്തെറിച്ച്‌ 15 പേര്‍ക്ക് പൊള്ളലേറ്റു. .ഗുരുദ്വാരയ്ക്ക് സമീപം സെക്ടര്‍ 34ലാണ് സംഭവം.
അല്ലെന്‍ കരിയര്‍ ഇന്‍സ്റ്റിറ്റ്യൂട്ട് എന്ന സ്ഥാപനത്തിന്റെ വാര്‍ഷികാഘോഷ ചടങ്ങിനിടെ പൂര്‍വ വിദ്യാര്‍ഥികള്‍ വാതകം നിറച്ച ബലൂണ്‍ ഉയര്‍ത്തിയിരുന്നു, എന്നാല്‍ പൊങ്ങിയുയര്‍ന്ന ബലൂണ്‍ വലിയ ശബ്ദത്തോടെ പൊട്ടിത്തെറിച്ച്‌ താഴേക്ക് പതിക്കുകയായിരുന്നു.
പരിക്കേറ്റവരെ ഉടന്‍ സമീപത്തെ ക്ലിനിക്കില്‍ പ്രവേശിപ്പിച്ച്‌ പ്രാഥമിക ചികിത്സ ലഭ്യമാക്കി.കൈയ്ക്കും മുഖത്തും കഴുത്തിന്റെ ഭാഗത്തുമാണ് പൊള്ളലേറ്റത്. ആരുടേയും പരിക്ക് ഗുരുതരമല്ല.
Post Your Comments