ലണ്ടൻ ; കാല്‍നട യാത്രക്കാര്‍ക്ക് നേരേ അക്രമി കാർ ഇടിച്ച് കയറ്റി നിരവധി പേർക്ക് പരിക്കേറ്റു. വെസ്റ്റ് ലണ്ടനിലെ സൗത്ത് കെന്നിങ്സ്റ്റണ്‍ ഭാഗത്ത് ലണ്ടന്‍ നാച്വറല്‍ ഹിസ്റ്ററി മ്യൂസിയത്തിന് മുന്നിലായിരുന്നു സംഭവം. വാഹനം ഓടിച്ച ഡ്രൈവറെ അറസ്റ്റ് ചെയ്തതായി ലണ്ടന്‍ പോലീസ് അറിയിച്ചു. നാച്വറല്‍ ഹിസ്റ്ററി മ്യൂസിയ പരിസരം ടൂറിസ്റ്റുകള്‍ ഏറെയെത്തുന്ന ഭാഗമാണ്. വാഹനം ഇടിക്കുന്നത് കണ്ടു ആളുകളോട് ഉടന്‍ മാറിപ്പോവാന്‍ വനിതാ പോലീസ് ആവശ്യപ്പെട്ടതിനാൽ വൻ ദുരന്തം ഒഴിവായി. അന്വേഷണം പുരോഗമിക്കുകയാണെന്നും എന്താണ് ഡ്രൈവറെ അക്രമത്തിന് പ്രേരിപ്പിക്കാൻ കാരണമെന്ന് വ്യക്തമല്ലെന്നും പോലീസ് അറിയിച്ചു.ഈ അക്രമത്തോടെ ലണ്ടനിലെമ്പാടും സുരക്ഷ ശക്തമാക്കിയിട്ടുണ്ട്. അഞ്ചാമത്തെ വാഹനം കൊണ്ടുള്ള അക്രമമാണ് ഈ വര്‍ഷം ലണ്ടനില്‍ നടക്കുന്നത്.
Post Your Comments