തിരുവനന്തപുരം: നടിയെ ആക്രമിച്ച കേസില്‍ അറസ്റ്റിലായ ദിലീപിനെ തുടക്കം മുതല്‍ പിന്തുണച്ച നടനാണ് കൂട്ടിക്കല്‍ ജയചന്ദ്രന്‍. കൂട്ടിക്കല്‍ ജയചന്ദ്രന്‍ ദിലീപിനെ സ്വാഗതം ചെയ്ത് രംഗത്തെത്തിയിരിക്കുകയാണ്. ഫേസ്ബുക്കിലൂടെയാണ് അദ്ദേഹത്തിന്റെ പ്രതികരണം. തങ്ങളെ ചിരിപ്പിച്ച ദിലീപിനെ മലയാളികള്‍ കരയിച്ചെന്ന് അദ്ദേഹം പറയുന്നു. താങ്കളോട് ഈ മലയാളികളുടെ പ്രതിനിധിയായി നിന്ന് മാപ്പ് ചോദിക്കുന്നുവെന്നും അദ്ദേഹം കൂട്ടിച്ചേര്‍ത്തു.
കൂട്ടിക്കല്‍ നാല് ഫെയ്‌സ്ബുക്ക് പോസ്റ്റുകളിലൂടെയാണ് ദിലീപിന് പിന്തുണ അറിയിച്ചത്. കൂട്ടിക്കലിന്റെ ഒരു പോസ്റ്റ് ദിലീപേട്ടാ മാപ്പ് എന്നാണ്. നിങ്ങള്‍ വഴി ചിരിച്ച് സുഖിച്ച് നിങ്ങളെ കരയിച്ച മലയാളികളുടെ പ്രതിനിധിയായി നിന്ന് പറയുന്നു ദിലീപേട്ടാ മാപ്പ്.
കൂട്ടിക്കല്‍ ജയചന്ദ്രന്റെ മറ്റൊരു പോസ്റ്റ് എന്റെ ജീവന്റെ പാതി തിരിച്ചു കിട്ടി എന്നാണ്. തനിക്കെതിരായ ഒരു ട്രോള്‍ പോസ്റ്റ് കൂടി ഷെയര്‍ ചെയ്തു കൊണ്ടാണ് കൂട്ടിക്കലിന്റെ ഈ വാക്കുകള്‍. ദിലീപിന്റെ ഒരു ഫോട്ടോയില്‍ ഹൃദയത്തോട് തൊട്ട് ജനപ്രിയന്റെ ദേ ഇവിടെയാണ് താന്‍ എന്ന് പറഞ്ഞു കൊണ്ടാണ് മറ്റൊരു പോസ്റ്റ്. ഈ പോസ്റ്റുകള്‍ക്കെല്ലാം ചുവട്ടിലും രൂക്ഷമായ പ്രതികരണമാണ് കൂട്ടിക്കലിനെതിരെ വരുന്നത്.
Post Your Comments