കൊച്ചി: ടിക്കറ്റ് നിരക്കുകള്‍ പ്രഖ്യാപിച്ച്‌ കെഎംആര്‍എല്‍. കൊച്ചി മെട്രോ റെയില്‍ രണ്ടാം ഘട്ടത്തിന്റെ ടിക്കറ്റ് നിരക്കുകളാണ് പ്രഖ്യാപിച്ചത്. പാലാരിവട്ടം മുതല്‍ മഹാരാജാസ് വരെയുള്ള മെട്രോയുടെ ടിക്കറ്റ് നിരക്ക് 30 രൂപയാണ്.
ഇത് ആലുവ മുതലാകുമ്പോള്‍ നിരക്ക് 50 രൂപയാകും.നിരക്കില്‍ 20 ശതമാനം ഇളവ്(40 രൂപ) കൊച്ചി മെട്രോയുടെ സ്മാര്‍ട്ട് കാര്‍ഡ് ഉള്ളവര്‍ക്കുണ്ട്. ഇത് 40 ശതമാനം (30 രൂപ)ആക്കാന്‍ ആലോചനയുണ്ട്. ഉദ്ഘാടന വേദിയില്‍ ഇതു സംബന്ധിച്ചുള്ള പ്രഖ്യാപനങ്ങളും ഉണ്ടായേക്കും.
രണ്ടാംഘട്ട ഉദ്ഘാടനം ആലുവ മുതല്‍ പാലാരിവട്ടം വരെയുള്ള മെട്രോ ട്രെയിന്‍ സര്‍വീസ് ഉദ്ഘാടനം ചെയ്തു മൂന്നു മാസത്തിനും 15 ദിവസത്തിനും ശേഷമാണ് നടക്കുന്നത്. രണ്ടാംഘട്ട മെട്രോ പാതയില്‍ കൊച്ചി മെട്രോയുടെ ഏറ്റവും വലിയ സ്റ്റേഷനായ ജെഎല്‍എന്‍ ഉള്‍പ്പടെ അഞ്ചു സ്റ്റേഷനുകളാണുള്ളത്.
കലൂര്‍, ലിസി, എംജി റോഡ്, മഹാരാജാസ് ഗ്രൗണ്ട് എന്നിവയാണു മറ്റു സ്റ്റേഷനുകള്‍. പാലാരിവട്ടത്തുനിന്നുള്ള ആദ്യ ട്രെയിന്‍ ദിവസവും രാവിലെ 6.24നാണ്. മഹാരാജാസ് ഗ്രൗണ്ടില്‍ നിന്ന് ആലുവയിലേക്കുള്ള അവസാന ട്രിപ്പ് രാത്രി പത്തിനും പുറപ്പെടും.
Post Your Comments