ഡൽഹിയിലെത്തിയ ഫാ. ടോം ഉഴുന്നാലിന് ഊഷ്‌മളസ്വീകരണം

ന്യൂ​ഡ​ല്‍​ഹി: യെ​മ​നി​ല്‍ ഭീ​ക​ര​രു​ടെ പി​ടി​യി​ല്‍ ​നി​ന്നു മോ​ചിതനാ​യ ഫാ. ​ടോം ഉ​ഴു​ന്നാ​ലി​ല്‍ ഡൽഹിയിൽ എത്തി. റോമില്‍ നി​ന്ന് എ​യ​ര്‍ ഇ​ന്ത്യ വി​മാ​ന​ത്തി​ല്‍ രാ​വി​ലെ 7.2ന് ​ഡ​ല്‍​ഹി ഇ​ന്ദി​രാ​ഗാ​ന്ധി അ​ന്താ​രാ​ഷ്​ട്ര വി​മാ​ന​ത്താ​വ​ള​ത്തിലാണ് വന്നിറങ്ങിയത്. കേന്ദ്ര ടൂറിസം മന്ത്രി അല്‍ഫോന്‍സ് കണ്ണന്താനം, ഫരീദാബാദ് രൂപതാ ആര്‍ച്ച്‌ ബിഷപ്പ് മാര്‍ കുര്യാക്കോസ് ഭരണികുളങ്ങര എന്നിവര്‍ ചേര്‍ന്നാണ് അദ്ദേഹത്തെ സ്വീകരിച്ചത്. ഡ​ല്‍​ഹി​യി​ലെ സി​ബി​സി​ഐ ആ​സ്ഥാ​ന​ത്തേക്കാണ് ആദ്യം പോകുന്നത്. 11.30ന് പ്രധാനമന്ത്രി നരേന്ദ്ര മോദിയുമായും തുടർന്ന് വിദേശകാര്യ മന്ത്രി സുഷമ സ്വരാജുമായും കൂടിക്കാഴ്ച നടത്തും. തു​ട​ര്‍​ന്ന് വ​ത്തി​ക്കാ​ന്‍ സ്ഥാ​ന​പ​തി ആ​ര്‍​ച്ച്‌ബി​ഷ​പ് ജാം​ബ​തി​സ്ത ദി​ക്വാ​ത്രോ​യു​മാ​യി കൂ​ടി​ക്കാ​ഴ്ച. സി​ബി​സി​ഐ സെ​ന്‍റ​റി​ല്‍ 4.30ന് ​പ​ത്ര​സ​മ്മേ​ള​നം. 6.30ന് ​സേ​ക്ര​ഡ് ഹാ​ര്‍​ട്ട് ക​ത്തീ​ഡ്ര​ലി​ല്‍ ദി​വ്യ​ബ​ലി.

നാളെ ബംഗളൂരുവിലേക്കു തിരിക്കുന്ന ഫാ. ടോം, 12 മണിക്കു സെന്റ് ജോണ്‍സ് മെഡിക്കല്‍ കോളജില്‍ ക്രൈസ്തവ സഭാ മേലധ്യക്ഷന്‍മാരുമായി കൂടിക്കാഴ്ച നടത്തും. നാളെ രാവിലെ 8.30നു ബംഗളൂരു വിമാനത്താവളത്തില്‍ സ്വീകരണം. പത്തിന് കൂക്ക് ടൗണിലെ ഡോണ്‍ ബോസ്കോ പ്രൊവിന്‍ഷ്യല്‍ ഹൗസില്‍ സ്വീകരണം. വൈകിട്ട് 5.30നു മ്യൂസിയം റോഡിലെ ഗുഡ് ഷെപ്പേര്‍ഡ് ഓഡിറ്റോറിയത്തില്‍ കൃതജ്ഞതാ ബലി. കര്‍ണാടക മുഖ്യമന്ത്രി സിദ്ധരാമയ്യയും മന്ത്രിമാരും പങ്കെടുക്കും. ശനിയാഴ്ച വൈകിട്ട് മൂന്ന് മണിക്ക് വാര്‍ത്താസമ്മേളനം നടത്തും.ഒ​ക്ടോ​ബ​ര്‍ ഒ​ന്നി​നു കൊ​ച്ചി വ​ഴി പാ​ലാ, രാ​മ​പു​ര​ത്തെ വീ​ട്ടി​ലെ​ത്തും. എട്ടിനു വെണ്ണല ഡോണ്‍ ബോസ്കോ ഹൗസില്‍ സ്വീകരണം. 9.45നു എറണാകുളം അതിരൂപതാ ആസ്ഥാനത്തും 12നു വരാപ്പുഴ തിരൂപതാ ആസ്ഥാനത്തും ഫാദര്‍ ടോം സന്ദര്‍ശനം നടത്തും. മൂ​ന്നി​നു തി​രു​വ​ന​ന്ത​പു​ര​ത്തു മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ ഉ​ള്‍​പ്പ​ടെ​യു​ള്ള​വ​രെ സ​ന്ദ​ര്‍​ശി​ക്കും.