ഉദയ്പുർ: തന്നെ പ്രണയിച്ച് വഞ്ചിച്ചെന്നാരോപിച്ച് രാജസ്ഥാനിലെ ഉദയ്പൂരിൽ പതിനെട്ടുകാരിയെ കാമുകനും പിതാവും ചേർന്ന് തീകൊളുത്തി കൊലപ്പെടുത്തി. ശനിയാഴ്ച വൈകിട്ടു ഐസർവാൾ ഗ്രാമവാസിയായ പെണ്‍കുട്ടി വീട്ടിലേക്കു മടങ്ങും വഴി കാമുകനായ രവി പെണ്‍കുട്ടിയെ തടഞ്ഞുനിർത്തി. ശേഷം രവി പെണ്‍കുട്ടിയുടെ മുഖത്തടിച്ചു. ഒപ്പമുണ്ടായിരുന്ന പിതാവ് ചന്തുവും കുട്ടിയെ മർദ്ദിച്ചു. തുടർന്ന് ഇരുവരും ചേർന്ന് പെണ്‍കുട്ടിയെ മണ്ണെണ്ണ തീ കൊളുത്തുകയായിരുന്നു. ഇത് കണ്ടു ഓടി കൂടിയ നാട്ടുകാർ പെണ്‍കുട്ടിയെ ഉടൻതന്നെ ആശുപത്രിയിൽ എത്തിച്ചെങ്കിലും ഞായറാഴ്ചയോടെ മരിച്ചു.
രവിയെയും പിതാവിനെയും പോലീസ് കസ്റ്റഡിയിലെടുത്തു ഇവരെ ചോദ്യം ചെയ്തു വരികയാണ്.രവിയാണ് തന്‍റെ മേൽ മണ്ണെണ്ണ ഒഴിച്ചതെന്നും തീ കൊളുത്തിയത് ആരെന്നു വ്യക്തമല്ലെന്നും പെണ്‍കുട്ടി മരണമൊഴി നൽകിയാതായി പോലീസ് പറഞ്ഞു.
പെൺകുട്ടി രവിയെ പ്രണയിച്ച് വഞ്ചിച്ചില്ലെന്നും ദീർഘകാലമായി ഇയാൾ പെണ്‍കുട്ടിയെ ശല്യപ്പെടുത്തിയിരുന്നതായും പിന്തുടർന്നിരുന്നതായും പെണ്‍കുട്ടിയുടെ ബന്ധുക്കൾ പറഞ്ഞു. സംസാരിക്കാൻ വിസമ്മതിച്ചതിന്‍റെ പേരിൽ പെണ്‍കുട്ടിയെ രവി അടിച്ചിട്ടുണ്ടെന്നും ബന്ധുക്കൾ പോലീസിനു മൊഴി നൽകി.
Post Your Comments