ടോക്കിയോ ; പാൻ പസഫിക് ഓപ്പൺ കിരീടത്തിൽ മുത്തമിട്ട് കരോളിനെ വോസ്നിയാക്കി. നേരിട്ടുള്ള സെറ്റുകൾക്ക് റഷ്യൻ താരം അനസ്താസ്യ പൗല്യുചെൻകോവയെ പരാജയപ്പെടുത്തിയാണ് വോസ്നിയാക്കി കിരീടത്തിൽ മുത്തമിട്ടത്. സ്കോർ: 6-0. 7-5.
കരിയറിലെ 26 ാം കിരീടമാണ് വോസ്നിയാക്കി ഇപ്പോൾ സ്വന്തമാക്കിയത്. 2008 ന് ശേഷം എല്ലാ വർഷവും ഒരു ലോക ടെന്നീസ് കിരീടം സ്വന്തമാക്കുന്നത് ഈ ഡാനിഷ് താരം ശീലമാക്കിയിരുന്നു. മുൻ ലോക ഒന്നാം നമ്പർ കൂടിയായ കരോളിന ഈ സീസണിൽ ആറ് ഫൈനലുകളിലെ തോൽവിക്കു ശേഷമാണ് നേട്ടം കൈവരിക്കുന്നത്.
ഒരു ഗെയിം പോലും വഴങ്ങാതെ ആദ്യ സെറ്റ് വോസ്നിയാക്കി സ്വന്തമാക്കിയെങ്കിലും രണ്ടാം സെറ്റിൽ കനത്ത പോരാട്ടം നേരിടേണ്ടി വന്നു. ഇഞ്ചോടിഞ്ച് പോരാട്ടത്തിനൊടുവിൽ 7-5 നാണ് രണ്ടാം സെറ്റ് സ്വന്തമാക്കിയത്.
Post Your Comments