മലപ്പുറം: വേങ്ങര ഉപതിരഞ്ഞെടുപ്പിൽ എൻ ഡി എ കൺവെൻഷൻ ഇന്ന് നടക്കാനിരിക്കെ മുന്നണിയിലെ പ്രമുഖ ഘടക കക്ഷിയായ ബിഡിജെഎസ് പങ്കെടുക്കില്ല. കണ്‍വന്‍ഷനില്‍ പങ്കെടുക്കേണ്ടെന്ന് ജില്ലാ ഘടകത്തിന് നിര്‍ദേശം ലഭിച്ചു.
കഴിഞ്ഞ ദിവസം എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ മുഖ്യമന്ത്രിയുമായി കൂടിക്കാഴ്ച നടത്തിയിരുന്നു. താന്‍ മനസുകൊണ്ട് എല്‍ഡിഎഫുകാരനാണെന്നും മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയ്ക്കു ശേഷം വെള്ളാപ്പള്ളി പറഞ്ഞിരുന്നു. കേരളത്തില്‍ ഒരു കാലത്തും ബിജെപിക്ക് അധികാരം കിട്ടില്ലെന്നാണ് പിണറായിയെ കണ്ട ശേഷം വെള്ളാപ്പള്ളി മാധ്യമങ്ങളോടു പറഞ്ഞത്.
ഈയൊരു സാഹചര്യത്തിലാണ് ബിഡിജെഎസ് തിരഞ്ഞെടുപ്പ് കൺവെൻഷനിൽ നിന്ന് വിട്ടുനിക്കുന്നത്. ഇന്ന് രാവിലെ 11നാണ് എന്‍.ഡി.എ തെരഞ്ഞെടുപ്പ് കണ്‍വന്‍ഷന്‍. ബി.ജെ.പി സംസ്ഥാന പ്രസിഡന്‍റ് കുമ്മനം രാജശേഖരന്‍ കണ്‍വന്‍ഷന്‍ ഉദ്ഘാടനം ചെയ്യും.
Post Your Comments