തിരുവനന്തപുരം: ശ്രീപദ്മനാഭസ്വാമി ക്ഷേത്രത്തി നിന്ന് കാണാതായ വജ്രമുത്തുകള്‍ കണ്ടെത്തി. ക്രൈംബ്രാഞ്ച് അന്വേഷണത്തിലാണ് കണ്ടെത്തിയത്. ഭഗവാന്റെ നാമത്തിന്റെ (തിലകം) ഭാഗമായ എട്ട് വജ്രമുത്തുകളാണ് 2015 ആഗസ്റ്റില്‍ കാണാതായത്. ഇവ ക്ഷേത്രത്തില്‍ നിന്ന് തന്നെയാണ് കണ്ടെടുത്തത്. വജ്രങ്ങള്‍ കാണാനില്ലെന്ന് ചൂണ്ടിക്കാട്ടി അമിക്കസ്ക്യൂറിയും മുതിര്‍ന്ന അഭിഭാഷകനുമായ ഗോപാല്‍ സുബ്രഹ്മണ്യം സുപ്രീംകോടതിക്ക് റിപ്പോര്‍ട്ട് നല്‍കിയിരുന്നു. വജ്രങ്ങള്‍ മോഷണം പോയതല്ലെന്നും വിഗ്രഹത്തില്‍ നിന്ന് അടര്‍ന്നുപോയതുമാണെന്ന് ചൂണ്ടിക്കാട്ടി ക്രൈംബ്രാഞ്ച് ഡി.ജി.പിക്ക് റിപ്പോര്‍ട്ട് നല്‍കി. റിപ്പോര്‍ട്ട് കേസ് പരിഗണിക്കുമ്പോള്‍ സുപ്രീംകോടതിയില്‍ സമര്‍പ്പിക്കും.
Post Your Comments