ചട്ടഞ്ചാല്‍: നിർത്തിയിട്ടിരുന്ന കണ്ടെയ്‌നർ ലോറിയിൽ ബസ്സിടിച്ച് നിരവധിപേർക്ക് പരിക്ക് . ശനിയാഴ്ച വൈകിട്ട് കാസർഗോഡ് ചട്ടഞ്ചാല്‍ ടൗണിലാണ് അപകടം. ബന്തടുക്കയില്‍ നിന്നും കാസര്‍കോട് ഭാഗത്തേക്ക് വരികയായിരുന്ന സ്വകാര്യ ബസ്സ് മറ്റൊരു വാഹനത്തെ ഓവര്‍ടേക്ക് ചെയ്യുന്നതിനിടെ എതിരെ വന്ന വാഹനവുമായി കൂട്ടിയിടിക്കാതിരിക്കാന്‍ വെട്ടിച്ചപ്പോഴാണ് നിര്‍ത്തിയിട്ടിരുന്ന കണ്ടെയ്നര്‍ ലോറിയിൽ ഇടിച്ചത്. ഡ്രൈവര്‍ക്കും ബസിന്റെ മുന്നിലിരുന്ന ഏതാനും പേര്‍ക്കാണ് പരിക്കേറ്റത്. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. അപകടത്തെ തുടര്‍ന്ന് അല്‍പനേരം ദേശീയപാതയില്‍ ഗതാഗതം തടസപ്പെട്ടു. പോലീസ് സ്ഥലത്തെത്തി ഗതാഗതം പുന:സ്ഥാപിച്ചു.
Post Your Comments