ന്യൂഡല്‍ഹി: പുതുതായി സ്ഥാനമേറ്റവരെയും പുതുമുഖങ്ങളെയും അഭിനന്ദിച്ച് പ്രധാനമന്ത്രി നരേന്ദ്ര മോദി. പുനഃസംഘടന തന്റെ മന്ത്രിസഭയ്ക്ക് കൂടുതല്‍ കരുത്ത് പകരുന്നുവെന്ന് പ്രധാനമന്ത്രി പറഞ്ഞു. ട്വിറ്ററിലൂടെയാണ് മോദി അഭിനന്ദനം അറിയിച്ചത്.
മന്ത്രിസഭയില്‍ എത്തിയ എല്ലാവരെയും അഭിനന്ദിക്കുന്നുവെന്നും മോദി ട്വിറ്ററില്‍ കുറിച്ചു. നിര്‍മല സീതാരാമന്‍, പീയുഷ് ഗോയല്‍, മുഖ്താര്‍ അബ്ബാസ് നഖ്വി, ധര്‍മേന്ദ്ര പ്രധാന്‍ എന്നിവര്‍ക്കാണ് പുനഃസംഘടനയില്‍ കാബിനറ്റ് പദവി ലഭിച്ചത്. കേരളത്തില്‍ നിന്നുള്ള അല്‍ഫോണ്‍സ് കണ്ണന്താനം ഉള്‍പ്പെടെ ഒന്‍പത് സഹമന്ത്രിമാരും ഇന്ന് സത്യപ്രതിജ്ഞ ചെയ്തു.
Post Your Comments