ആരാധകർ ആകാംക്ഷയോടെ കാത്തിരുന്ന ചിത്രമാണ് പത്മാവതി. സഞ്ജയ് ലീല ബന്‍സാലി, രണ്‍വീര്‍ സിംഗ്, ഷാഹിദ് കപൂര്‍ തുടങ്ങി നിരവധി ആകര്‍ഷണങ്ങള്‍ ആ ചിത്രത്തിനു പിന്നിലുണ്ടെങ്കിലും ദീപിക എന്ന മൂന്നക്ഷരമാണ് ഈ സിനിമയെ ഇത്രമേല്‍ ശ്രദ്ധേയമാക്കിയത്. 2018 ഏപ്രിലില്‍ ചിത്രം റിലീസ് ചെയ്യുമെന്നാണ് ബന്‍സാലി ആദ്യം പറഞ്ഞിരുന്നത് എങ്കിലും ,പ്രതീക്ഷിച്ചതിനെക്കാള്‍ വേഗത്തില്‍ ചിത്രീകരണം പൂര്‍ത്തിയാക്കിയതിനാല്‍ ഈ വര്‍ഷം നവംബര്‍ 17ന് ചിത്രം തിയേറ്ററുകളില്‍ എത്തും.
മേവാറിലെ രാജ്ഞി റാണി പദ്മിനി എന്ന പദ്മാവതിയുടെയും മുസ്ളിം ഭരണാധികാരി അലാവുദ്ദീന്‍ ഖില്‍ജിയുടെയും മനോഹരമായ പ്രണയ കഥ പറയുന്ന ചിത്രത്തില്‍ രണ്‍വീര്‍ സിംഗാണ് ഖില്‍ജിയായി എത്തുന്നത്. ദീപികയുടെ കഥാപാത്രമായ പദ്മാവതിയുടെ ഭര്‍ത്താവും മേവാറിലെ രാജാവുമായ രാവല്‍ രത്തന്‍ സിംഗായി ഷാഹിദ് കപൂര്‍ എത്തുന്നു. സഞ്ജയ് ദത്ത്, അതിദി റാവു ഹൈദരി, ഡാനി, സോനു സൂദ്, ജിം സര്‍ഭ തുടങ്ങി വന്‍ താര നിര തന്നെ ചിത്രത്തിലുണ്ട്. കാമുകന്‍ കൂടിയായ രണ്‍വീറിന്റെ നായികയായി ദീപിക അഭിനയിക്കുന്ന മൂന്നാമത്തെ ചിത്രമാണ് പദ്മാവതി. ബന്‍സാലിയുടെ തന്നെ രാം ലീല, ബാജി റാവു മസ്താനി എന്നീ ചിത്രങ്ങളിലാണ് ഇരുവരും നായികാ നായകന്മാരായത്.
Post Your Comments