ലണ്ടന്‍: പുറംലോകം എന്നും ആഘോഷത്തോടെയാണ് ന്യൂസ് റൂമുകളില്‍ ഉണ്ടാകുന്ന അബദ്ധങ്ങള്‍ ഏറ്റെടുക്കുന്നത്. എന്നാൽ ഇപ്പോൾ വൈറലായിരിക്കുന്നത് ലോക പ്രശസ്ത മാധ്യമമായ ബിബിസിയിലെ ന്യൂസ് ചാനൽ റൂമിലുണ്ടായ അബദ്ധമാണ്. ബിബിസിയെ ഞെട്ടിച്ച കൈപ്പിഴയുണ്ടായത് കഴിഞ്ഞ തിങ്കളാഴ്ച രാത്രിയിലെ തത്സമയ വാര്‍ത്താ സംപ്രേഷണത്തിലായിരുന്നു.
ഇപ്പോള്‍ സാമൂഹിക മാധ്യമങ്ങളില്‍ അവതാരക വാര്‍ത്ത വായിക്കുമ്പോള്‍ പിന്നില്‍ ന്യൂസ് റൂമില്‍ ഉണ്ടായ അബദ്ധം വൈറലാകുകയാണ്. അവതാരക വാര്‍ത്ത അവതരിപ്പിക്കുമ്പോള്‍ ന്യൂസ് റൂമിലെ മാധ്യമപ്രവര്‍ത്തകന്‍റെ കമ്പ്യൂട്ടറിൽ തെളിഞ്ഞ മോശം ദൃശ്യങ്ങളാണ് ചര്‍ച്ചയായിരിക്കുന്നത്. മാധ്യമപ്രവര്‍ത്തകന്‍ കമ്പ്യൂട്ടറിൽ സിനിമ കണുകയായിരുന്നെന്നും സിനിമയുടെ ഭാഗമായ ചില മോശം ദൃശ്യങ്ങള്‍ അപ്രതീക്ഷിതമായി പ്രത്യക്ഷപ്പെടുകയുമായിരുന്നെന്നാണ് ബിബിസി നല്‍കുന്ന വിശദീകരണം. ഈ സമയം വാര്‍ത്ത കണ്ട ഒരാൾ ഈ ഭാഗങ്ങള്‍ പകര്‍ത്തുകയും ഫേസ്ബുക്കില്‍ പോസ്റ്റ് ചെയ്യുകയുമായിരുന്നു. ഇതോടെ ചാനല്‍ മാധ്യമത്തെ നവമാധ്യമം ഏറ്റെടുത്തു വൈറലാക്കി.
Post Your Comments