പി. യു ചിത്രക്ക് പിന്തുണയുമായി സൈക്കിളില്‍ യാത്ര ചെയ്തുകൊണ്ട് ഒരു
യുവാവ്. ഏഷ്യന്‍ ചാമ്പ്യനായ പി യു ചിത്രയെ ലോക അത്ലറ്റിക്ക്
ചാമ്പ്യന്‍ഷിപ്പില്‍ പങ്കെടുപ്പിക്കാത്ത അത്ലറ്റിക് ഫെഡറേഷന്‍
നടപടിക്കെതിരെ രാജ്യം മുഴുവനുമുള്ള കായികപ്രേമികള്‍ ഒരേ സ്വരത്തില്‍
പ്രതിഷേധിച്ചുകൊണ്ടിരിക്കുകയാണ്. അത്ലറ്റിക് ഫെഡറേഷന്‍ ഈ വിഷയത്തില്‍
കോടതി നടപടികള്‍ പോലും നേരിട്ടുകൊണ്ടിരിക്കുകയാണ്. ഈ അവസരത്തിലാണ് പി. യു
ചിത്രക്ക് അനുഭാവം പ്രകടിപ്പിച്ചുകൊണ്ടും അത്ലറ്റിക് ഫെഡറേഷനോടുള്ള നീരസം
അറിയിച്ചുകൊണ്ടും ഒരു യുവാവിന്റെ വ്യത്യസ്തമാര്‍ന്ന പ്രതിഷേധം.
തൃശൂര്‍ ആലപ്പാട് സ്വദേശിയായ ശ്രീയേഷ് രാമദേവനാണ് സൈക്കിളില്‍
വ്യത്യസ്തമാര്‍ന്ന ഈ പിന്തുണയുമായി രംഗത്തെത്തിയിരിക്കുന്നത്.
തിരുവനന്തപുരം വട്ടിയൂര്‍ക്കാവില്‍ നിന്നും തൃശൂര്‍ വരെ സൈക്കിളില്‍
യാത്ര ചെയ്തുകൊണ്ടാണ് വഴിനീളെ തന്റെ പിന്തുണ അറിയിച്ചുകൊണ്ട് ഈ
യുവാവ് തന്റെ ഒറ്റയാള്‍ പ്രകടനം നടത്തുന്നത്. സമസ്തമേഘലകളിലെ
കായികപ്രേമികള്‍ വിവിധതരത്തില്‍ ചിത്രക്ക് പിന്തുണയുമായി എത്തുമ്പോള്‍
മറ്റൊരു രീതിയില്‍ തന്നെക്കൊണ്ടാവുന്ന തരത്തില്‍ പ്രതിഷേധിക്കുകയാണ്
ശ്രീയേഷ്.
തിരുവനന്തപുരം ഐ. എസ്. ആര്‍. ഓവില്‍ ജോലി ചെയ്യുന്ന കായികപ്രേമിയായ ഈ
യുവാവിന് കൂട്ടുകാരുടെയും പിന്തുണയുണ്ട്. ഈ വ്യത്യസ്ത പ്രതിഷേധം പി. യു
ചിത്രക്കുള്ള പൊതുജനപിന്തുണയ്ക്ക് മുതല്‍ക്കൂട്ടാകും എന്ന് കരുതാം.
സുജിത്ത് ചാഴൂര്‍
Post Your Comments