മേധാപട്കർ വീണ്ടും നിരാഹാരത്തിനൊരുങ്ങുന്നു

ഭോപ്പാൽ:  നർമ്മദ തീരത്തെ ജനങ്ങൾക്ക്​ നീതി നിഷേധിക്കുന്ന സർക്കാർ സമീപനത്തിനെതിരെ മേധാപട്​കർ വീണ്ടും നിരാഹാര സമരത്തിനൊരുങ്ങുന്നു. ജൂലൈ 27 വ്യാഴാഴ്ച ബഡ്വാനിയിലെ രാജ്ഘട്ടിലാണ് സമരം ആരംഭിക്കുന്നത് . ജൂലൈ 31ന് മുമ്പ് സർക്കാർ തയ്യാറാക്കിക്കൊണ്ടിരിക്കുന്ന പുനരധിവാസ കേന്ദ്രങ്ങളിലേക്ക് വീടും കൃഷിയിടവും ഉപേക്ഷിച്ച് മാറണമെന്ന് ഗ്രാമവാസികൾക്ക് സർക്കാർ നിർദേശം നൽകിയിരുന്നു. ഒഴിഞ്ഞു പോകാത്തവരെ ബലം പ്രയോഗിച്ച് ഒഴിപ്പിക്കാൻ കോടതി ഉത്തരവുണ്ട്​.

അതേസമയം പുനരധിവാസ കേന്ദ്രങ്ങളായി തകര ഷീറ്റുകൾ മേഞ്ഞ രണ്ട്​ മുറികളുടെ നിർമാണം മാത്രമാണ്​ സർക്കാർ പൂർത്തികരിച്ചിരിക്കതെന്നാണ്​ ആരോപണം. കർഷകരെയും ആദിവാസികളെയും കുടിയൊഴിപ്പിക്കാനുള്ള സർക്കാർ നീക്കത്തിനെതിരെയാണ് സമരമെന്ന് മേധ വ്യക്തമാക്കി.