കൊച്ചി: യുവനടിയെ ആക്രമിച്ച കേസിലെ അന്വേഷണം ദിലീപുമായി ഏതാനും ചിത്രങ്ങളില്‍ ഒന്നിച്ച് അഭിനയിച്ചിരുന്ന നടിയിലേക്കും നീളുന്നു. നടി ആക്രമിക്കപ്പെട്ട സംഭവത്തിന് പിന്നാലെ നടിയുടെ അക്കൗണ്ടില്‍ വന്‍ തുക നിക്ഷേപിക്കപ്പെട്ടതായി കണ്ടെത്തിയ സാഹചര്യത്തിലാണ് അന്വേഷണം നടിയിലേക്ക് നീളുന്നത്.
നടിയ്ക്ക് ദിലീപുമായി അടുത്ത സൗഹൃദമുള്ളതായി പോലീസ് കണ്ടെത്തിയിട്ടുണ്ട്. നടിയെ ഉപദ്രവിക്കാന്‍ ക്വട്ടേഷന്‍ നല്‍കിയ കേസില്‍ ദിലീപിന്റെ സാമ്പത്തിക ഇടപാടുകള്‍ പരിശോധിക്കുന്ന പോലീസ് നടന്മാര്‍ക്ക് കിട്ടുന്ന ഓവര്‍സീസ് റൈറ്റുമായി ബന്ധപ്പെട്ട് കിട്ടിയ തുക വിദേശനിക്ഷേപമാക്കി മാറ്റിയെന്നും ആരോപണവും അന്വേഷിക്കും.
ഈ തുകയില്‍ ഒരു ഭാഗം താരം നികുതിവെട്ടിച്ച് കുഴല്‍പ്പണമായി നാട്ടില്‍ എത്തിച്ചെന്ന് സൂചനയുണ്ട്. കുറ്റം ബോദ്ധ്യപ്പെട്ടാല്‍ ഫോറിന്‍ എക്‌സ്‌ചേഞ്ച് മാനേജ്‌മെന്റ് ആക്റ്റ് പ്രകാരമായിരിക്കും കേസെടുക്കുക.
Post Your Comments