കൊച്ചി: അപകടത്തില്‍പ്പെട്ട അഞ്ചംഗ കുടുംബത്തെ വാനരപ്പട രക്ഷിച്ചു. കൊച്ചി-ധനുഷ്‌കോടി ദേശീയപാതയിലാണ് അപകടം ഉണ്ടായത്. കാര്‍ മറിഞ്ഞുണ്ടായ അപകടം മറ്റുള്ളവരെ അറിയിച്ചത് ഒരു കൂട്ടം കുരങ്ങന്മാരാണ്. രാവിലെ തോക്കുപാറയ്ക്കു സമീപം അമ്പഴച്ചാലില്‍നിന്നും നെടുമ്പാശേരിയിലേക്ക് പോകുകയായിരുന്ന ചക്കാലയില്‍ ജോജിയും മക്കളും അമ്മയും അടങ്ങുന്ന കുടുംബമാണ് അപകടത്തില്‍പ്പെട്ടത്.
ഗള്‍ഫില്‍നിന്നും നാട്ടിലേക്ക് വരുന്നതിനിടെ ജോജിയുടെ ഭാര്യയെ കൂട്ടിക്കൊണ്ടുവരുന്നതിനായി നെടുമ്പാശേരിക്കു പോകുകയായിരുന്നു അവര്‍. അപകടം നടന്നിട്ട് ആരും അറിഞ്ഞില്ല. ഇതിനിടെ തൊടുപുഴയില്‍നിന്നും നെടുങ്കണ്ടത്തിന് പോകുകയായിരുന്ന സ്വകാര്യ ബസ് ഇവിടെയെത്തിയപ്പോള്‍ വാനരക്കൂട്ടം റോഡിലേക്കിറങ്ങുകയായിരുന്നു.
വാനരക്കൂട്ടം ബഹളമുണ്ടാക്കിയതോടെ ലോറികളും നിര്‍ത്തി നോക്കാന്‍ തുടങ്ങി. ജീവനക്കാരിറങ്ങി പരിശോധിച്ചപ്പോഴാണ് അപകടത്തില്‍പ്പെട്ടുകിടക്കുന്നവരെ കണ്ടത്.
Post Your Comments