തിരുവനന്തപുരം: മത സ്പർധ വളര്‍ത്തുന്ന പ്രസ്താവന നടത്തിയ മുന്‍ ഡിജിപി ടി.പി സെന്‍കുമാറിനെതിരെ കേസെടുക്കണമെന്ന് എം.ഐ ഷാനവാസ് എംപി. സെന്‍കുമാര്‍ ഇപ്പോൾ അന്ധമായ വര്‍ഗീയതയുടെയുടെ തടവറയിലാണ്. സംഘപരിവാറിനുവേണ്ടിയാണ് സെന്‍കുമാര്‍ പ്രസ്താവന നടത്തുന്നത്. വര്‍ഗീയത വളര്‍ത്തുന്ന അദ്ദേഹത്തിനെതിരെ കേസെടുക്കണമെന്നും ഷാനവാസ് കൂട്ടിച്ചേര്‍ത്തു.
കേരളത്തിൽ മുസ്‌ലിങ്ങളുടെ ജനസംഖ്യ വർധിക്കുന്നത് ആശങ്കാജനകമാണെന്നായിരുന്നു സെന്‍കുമാറിന്‍റെ പ്രസ്താവന. കേരളത്തില്‍ നൂറ് കുട്ടികള്‍ ജനിക്കുമ്പോള്‍ അതില്‍ 42 പേര്‍ മുസ്‌ലിങ്ങളാണ്. മുസ്‌ലിങ്ങളിലും നല്ലവരുണ്ട്. മുസ്‌ലിങ്ങളെ കൊണ്ടു തന്നെ മുസ്ലിം തീവ്രവാദം നേരിടണമെന്നും ഒരു മാധ്യമത്തിന് നൽകിയ അഭിമുഖത്തില്‍ സെന്‍കുമാര്‍ പറഞ്ഞിരുന്നു.
Post Your Comments