ജി.എസ്.ടിയുടെ മറവിൽ ചൂഷണം നടത്തുന്നവർക്കെതിരെ ഫേസ്ബുക്കിലൂടെ പരാതിപ്പെടാം

തിരുവനന്തപുരം: ജി.എസ്.ടിയുടെ മറവിൽ ചൂഷണം നടത്തുന്നവർക്കെതിരെ ഫേസ്ബുക്കിലൂടെ പരാതിപ്പെടാം. സർക്കാരിനു നികുതിയിളവ് മറച്ചുവെച്ച് പരമാവധി വിലയുടെ മുകളില്‍ വീണ്ടും നികുതി ചുമത്തുന്നതിന്റെ തെളിവായി ഒട്ടേറെ ബില്ലുകള്‍ ലഭിക്കുന്നുണ്ടെന്ന് മന്ത്രി തോമസ് ഐസക് പറഞ്ഞു.

നികുതിവകുപ്പിന്റെ https://www.facebook.com/postbillshere/ എന്ന ഫെയ്‌സ്ബുക്ക് പേജില്‍ ഇത്തരം ബില്ലുകള്‍ അപ്ലോഡ് ചെയ്യണം. ഈ ബില്ലുകള്‍ നല്‍കിയ കടകളില്‍ പരിശോധനയുണ്ടാവുമെന്ന് മന്ത്രി ഉറപ്പ് നല്‍കി. നിലവിലുള്ള വിലയുടെമേല്‍ അഞ്ച്, 12, 18 ശതമാനം നികുതിയാണ് ഹോട്ടലുകളില്‍ ഈടാക്കുന്നത്. എ.സി. റെസ്റ്റോറന്റുകളെല്ലാം വലിപ്പച്ചെറുപ്പമില്ലാതെ 18 ശതമാനം ഈടാക്കുന്നുണ്ട്.