ആരാധകര്‍ക്കായി ഒരു സര്‍പ്രൈസ് ഒരുക്കുകയാണ് മോഹന്‍ലാല്‍. ആരാധകര്‍ ആവേശത്തോടെ കാത്തിരിക്കുന്ന പുതിയ ചിത്രം ഒടിയന്‍ ഫേസ്ബുക്ക് ലൈവില്‍ വരുകയാണ്. വി.എ. ശ്രീകുമാര്‍ മേനോന്‍ സംവിധാനം ചെയ്യുന്ന ഒടിയന്‍ ജൂലൈ രണ്ടിന് രാത്രി എട്ട് മണിക്ക് ഫേസ്ബുക്ക് ലൈവുമായി എത്തുന്നുവെന്ന് മോഹന്‍ലാല്‍.
മോഹന്‍ലാല്‍ തന്നെയാണ് ഇക്കാര്യം ഫെയ്‌സ്ബുക്കിലൂടെ പ്രഖ്യാപിച്ചിരിക്കുന്നത്. എന്നാല്‍, ഇതിന്റെ വിശദാംശങ്ങള്‍ പുറത്തുവിട്ടിട്ടില്ല. ലാലിനെ നായകനാക്കി ആയിരം കോടി രൂപ മുതല്‍മുടക്കില്‍ മഹാഭാരതം ഒരുക്കുന്ന ശ്രീകുമാര്‍ മേനോന്‍ തന്നെയാണ് ഒടിയനും ഒരുക്കുന്നത്. മഹാഭാരതത്തിന് മുന്‍പേ ഒടിയന്‍ എത്തുമെന്നാണ് സൂചന. എന്നാല്‍ ബി.ഉണ്ണികൃഷ്ണന്റെ വില്ലന്‍റെയും ലാല്‍ ജോസിന്റെ വെളിപാടിന്റെ പുസ്തകത്തിന്‍റെയും ഷൂട്ടിംഗ് തിരിക്കിലാണ് ലാല്‍. ഇതിനു ശേഷമാണ് ലാല്‍ ഓടിയനില്‍ അഭിനയിക്കുക.
Post Your Comments