തിരുവനന്തപുരം: എ.ഡി.ജി.പി തച്ചങ്കരിയെ ഒഴിവാക്കി ഡി.ജി.പി സെന്‍കുമാറിന് യാത്രയയപ്പ് നല്‍കാന്‍ ഐ.പി.എസ് അസോസിയേഷന്‍ ഒരുക്കം തുടങ്ങി. ജൂണ്‍ 30 ന് രാവിലെ തിരുവനന്തപുരം എസ്.എ.പി ഗ്രൗണ്ടില്‍ നടക്കുന്ന യാത്രയയപ്പ് ചടങ്ങിന് ആംഡ്‌ ബറ്റാലിയന്‍ ഡി.ഐ.ജി ഷഫീന്‍ അഹമ്മദ്‌ നേതൃത്വം വഹിക്കും.
സര്‍ക്കാരുമായി സെന്‍കുമാറിന് പ്രശ്നങ്ങള്‍ നിലനില്‍ക്കുമ്പോള്‍ സേനയിലെ ഉയര്‍ന്ന ഉദ്യോഗസ്ഥര്‍ ഈ രീതിയില്‍ ആഭിമുഖ്യം കാണിക്കുന്നത് അഭ്യന്തര വകുപ്പിനും സര്‍ക്കാരിനും തിരിച്ചടിയാണ്.
തച്ചങ്കരിയുടെ സാന്നിധ്യം സെന്‍കുമാറിന് സ്വീകാര്യമല്ലാത്തത് കൊണ്ടാണ് അദേഹത്തെ ഒഴിവാക്കുന്നതെന്നും സര്‍ക്കാരിനെ വെല്ലുവിളിക്കുന്ന തീരുമാനത്തിന് തങ്ങള്‍ നില്‍ക്കില്ലെന്നും ഐ.പി.എസ് അസോസിയേഷന്‍ വൃത്തങ്ങള്‍ അറിയിച്ചു.
Post Your Comments