ഗുജറാത്ത് തദ്ദേശ തെരഞ്ഞെടുപ്പില്‍ ബി.ജെ.പിയ്ക്ക് ഉജ്ജ്വല വിജയം

ഗാന്ധിനഗര്‍•ഗുജറാത്ത് നഗരപാലിക (മുനിസിപ്പാലിറ്റി), താലൂക്ക് പഞ്ചായത്തുകളിലേക്ക് നടന്ന ഉപതെരഞ്ഞെടുപ്പില്‍ ബി.ജെ.പിയ്ക്ക് ഉജ്വല വിജയം. തെരഞ്ഞെടുപ്പ് നടന്ന 37 സീറ്റുകളില്‍ 23 ലും ബി.ജെ.പി സ്ഥനാര്‍ഥികള്‍ വിജയിച്ചു. ഇതില്‍ 10 സീറ്റുകള്‍ പുതുതായി പിടിച്ചെടുത്തവയാണ്. കോണ്‍ഗ്രസ് 13 സീറ്റുകളും സ്വതന്ത്രന്‍ ഒരു സീറ്റിലും വിജയിച്ചു. ഞായറാഴ്ചയായിരുന്നു വോട്ടെടുപ്പ്.

7 ജില്ലകളിലെ 8 മുനിസിപ്പാലിറ്റികളിലെ 9 സീറ്റുകളിലെയും 18 ജില്ലകളിലെ 32 താലൂക്ക് പഞ്ചായത്ത്‌ സീറ്റുകളിലെയും ഒരു ജില്ലാ പഞ്ചായത്ത്‌ സീറ്റുകളിലെയും ഉപതെരഞ്ഞെടുപ്പ് ഫലമാണ്‌ ഗുജറാത്ത് സംസ്ഥാന തെരഞ്ഞെടുപ്പ് കമീഷന്‍ പ്രഖ്യാപിച്ചത്.

പലിതാന മുനിസിപ്പാലിറ്റി വാര്‍ഡ്‌ 3 ലെ സ്ഥാനാര്‍ഥി നേരത്തെ തന്നെ എതിരില്ലാതെ തെരഞ്ഞെടുക്കപ്പെട്ടിരുന്നു. കൂടാതെ നാല് സീറ്റുകളില്‍ ഒരു സ്ഥാനാര്‍ഥിയും നോമിനേഷന്‍ നല്‍കിയിരുന്നില്ല. അതിനാല്‍ ഇവിടേക്കുള്ള തെരഞ്ഞെടുപ്പ് റദ്ദാക്കിയിരുന്നു. അത്കൊണ്ട് ശേഷിക്കുന്ന 37 സീറ്റുകളിലേക്കാണ് ഉപതെരഞ്ഞെടുപ്പ് നടന്നത്.