വീണ്ടും പരാജയം ഏറ്റുവാങ്ങി റോയൽ ചലഞ്ചേഴ്‌സ്

മുംബൈ: വീണ്ടും പരാജയം ഏറ്റുവാങ്ങി ബാംഗ്ലൂർ റോയൽ ചലഞ്ചേഴ്‌സ്. ബാംഗ്ലൂരിനെതിരെ അഞ്ച് വിക്കറ്റ് ജയമാണ് മുംബൈ ഇന്ത്യൻസ് സ്വന്തമാക്കിയത്. ആദ്യ ബാറ്റിങ്ങിനിറങ്ങിയ ബാംഗ്ലൂർ 20 ഓവറിൽ 8 വിക്കറ്റ് നഷ്ട്ടത്തിൽ 162 റണ്‍സ് നേടിയപ്പോൾ, മറുപടി ബാറ്റിങ്ങിനിറങ്ങിയ മുംബൈ ഒരു പന്ത് ബാക്കി നിൽക്കെ സ്കോർ മറികടന്നു. രോഹിത് ശർമ്മയുടെ(56) മികച്ച ബാറ്റിംഗ് മുംബൈക്ക് ജയം നേടി കൊടുത്തത്.

നിലവിലെ ജയത്തോടെ മുംബൈ പോയിന്റ് പട്ടികയിൽ ഒന്നാം സ്ഥാനം കരസ്ഥമാക്കി. നിലവിലെ പാരാജയത്തോടെ ബാംഗ്ലൂർ പട്ടികയിലെ ഏഴാം സ്ഥാനത്ത് തന്നെ തുടരുന്നു.