ആരെയും ഹരം കൊള്ളിക്കുന്ന ചടുലനൃത്തവുമായി മുത്തശ്ശിമാർ

പഞ്ചാബികളുടെ ഇഷ്ടവിനോദമായ ഭംഗ്ഡ നൃത്തം ആടിത്തിമിർക്കണമെങ്കിൽ അസാമാന്യമായ കരുത്തും മെയ്‌വഴക്കവും അത്യാവശ്യമാണ്. എന്നാൽ ചെറുപ്പക്കാരേക്കാളും മെയ്‌വഴക്കത്തോടെ ഈ നൃത്തം ചെയ്യുന്ന ലണ്ടനിലെ മുത്തശ്ശിമാരുടെ വീഡിയോ ഇപ്പോൾ സോഷ്യൽ മീഡിയയിൽ വൈറലാവുകയാണ്.

ഇംഗ്ലണ്ടിലെ തിരക്കേറിയ ഒരു ഷോപ്പിംഗ് മാളിലാണ് മുത്തശ്ശിമാർ ഭംഗ്ഡ നൃത്തം ഫ്ലാഷ് മോബ് ശൈലിയിൽ അവതരിപ്പിച്ചത്. ഇവരുടെ നൃത്തത്തിനെ കാണികൾ വൻ കൈയ്യടി നൽകിയാണ് സ്വീകരിച്ചത്. ഇംഗ്ലണ്ടിലെ ഫിസോഗ് എന്ന തിയറ്റർ കമ്പനിയുടെ പ്രചാരണത്തിനായാണ് മുത്തശ്ശിമാർ ഭംഗ്ഡ അവതരിപ്പിച്ചത്.