വൻ നാശംവിതച്ച് കാട്ടുതീ കത്തിപ്പടരുന്നു

സാന്‍റിയാഗോ:വൻ നാശംവിതച്ച് കാട്ടുതീ കത്തിപ്പടരുന്നു. മധ്യചിലിയിലാണ് കാട്ടുതീ കത്തിപ്പടരുന്നത്. കാട്ടുതീ മൂലം ചിലിയിലെ വിനാ ഡെൽ മാറിലെ നിരവധി വീടുകൾ കത്തി നശിച്ചു. രാജ്യതലസ്ഥാനമായ സാന്‍റിയാഗോയിൽനിന്നു 120 കിലോമീറ്റർ അകലെയാണ് കാട്ടുതീ പടരുന്നത്. 6,000 ആളുകളെ പ്രദേശത്തുനിന്നു മാറ്റിപാർപ്പിച്ചു

കാട്ടുതീയിൽ ആളപായമില്ല. സാമ്പത്തികമായി പിന്നോക്കം നിൽക്കുന്ന ആളുകൾ പ്രദേശത്ത് അനധികൃതമായി നിർമിച്ച നൂറുകണക്കിനു താത്കാലിക വീടുകൾ കത്തിനശിച്ചതായി സർക്കാർ പ്രതിനിധി റികാർഡോ ടോറോ അറിയിച്ചു. കൂടാതെ കൂടുതൽ ഹെലികോപ്ടറുകൾ ഉപയോഗിച്ച് കാട്ടുതീ അണയ്ക്കുവാനുള്ള ശ്രമം നടന്നു വരുകയാണെന്നും,തീപിടുത്തത്തെകുറിച്ച് അന്വേഷണം നടത്തുമെന്നും അധികൃതർ അറിയിച്ചു.