“നമ്പൂതിരീടെ വെളിച്ചത്തിൽ വാര്യരുടെ ഊണ്” , അങ്ങനെ കഴിഞ്ഞു കൂടുന്ന ഒരു പാർട്ടിയാണത് ; സി പി ഐ ക്കെതിരെ ഇ പി ജയരാജൻ

കണ്ണൂർ: സി പി ഐ യുടെ മുഖപത്രമായ ജനയുഗത്തിൽ സി പി എമ്മിനെയും പിണറായി വിജയനെയും വിമർശിച്ചുകൊണ്ട് പ്രത്യക്ഷപ്പെട്ട ലേഖനങ്ങൾക്കെതിരെ ഇ പി ജയരാജൻ. കമ്മ്യൂണിസ്റ് വിരുദ്ധരുടെ കൈയ്യിലെ പാവയായി സി പി ഐ അധംപതിച്ചെന്ന് ഇ പി ജയരാജൻ പറഞ്ഞു. കേരളത്തിലെ ജനങ്ങൾ ഈ നിലപാടുകളെ പരിഹസിക്കും. “നമ്പൂതിരീടെ വെളിച്ചത്തിൽ വാര്യരുടെ ഊണ്” , അങ്ങനെ കഴിഞ്ഞു കൂടുന്ന ഒരു പാർട്ടിയാണ് സി പി ഐ . സി പി ഐ അത്ര വലിയ പാർട്ടിയൊന്നുമല്ല. അതുകൊണ്ട് ഇടതു മുന്നണിയിൽ ഇതൊന്നും ബാധിക്കാൻ പോകുന്നില്ല. ഇ പി ജയരാജൻ പറഞ്ഞു