സര്‍ക്കാർ തട്ടിക്കളിക്കുന്ന ഫുട്‌ബോളാണ് താനെന്ന് വിജയ് മല്യ

ദില്ലി : യുപിഎ, എന്‍ഡിഎ ടീമുകള്‍ തട്ടിക്കളിക്കുന്ന ഫുട്‌ബോളാണ് താനെന്ന് വിവാദ മദ്യ വ്യവസായി വിജയ് മല്യ ആരോപിച്ചു.സംഭവ വികാസങ്ങളെ മല്യ ചിത്രീകരിക്കുന്നത് ഇങ്ങനെയാണ്, താന്‍ ഒരു ഫുട്‌ബോളാണ്, യുപിഎ എന്‍ഡിഎ എന്നീ ടീമുകള്‍ അങ്ങോട്ടും ഇങ്ങോട്ടും എന്നെ തട്ടിക്കളിക്കുകയാണ്. നിര്‍ഭാഗ്യവശാല്‍ മാധ്യമങ്ങളെ അവര്‍ മൈതാനമായി ഉപയോഗിക്കുന്നു. റഫറി ഇല്ലാത്ത കളി ആയതിനാല്‍ തനിക്ക്
വേണ്ടി ആരുമില്ലെന്നും മല്ല്യ ട്വീറ്ററിലൂടെ ആരോപിക്കുന്നുണ്ട്.സിബിഐ അന്വേഷണങ്ങളുടെ പശ്ചാത്തലത്തില്‍ മല്യയെ തിരിച്ചെത്തിക്കുവാനുള്ള ശ്രമങ്ങള്‍ നടക്കുന്നതിനിടയിലാണ് മാധ്യമങ്ങളിലൂടെ തന്നെ മോശമായി ചിത്രീകരിക്കുന്നെന്ന ആരോപണം മല്യ ഉന്നയിക്കുന്നത്.