യുഎഇ മലയാളികള്‍ക്ക് മികച്ച യാത്ര സൗകര്യം ഒരുക്കാനായി എയർ ഇന്ത്യയുടെ പ്രതിദിന സർവീസ്

അബുദാബി: യുഎഇ മലയാളികള്‍ക്ക് മികച്ച യാത്ര സൗകര്യം ഒരുക്കി നല്‍കുക എന്ന ലക്ഷ്യത്തോട് കൂടി എയര്‍ ഇന്ത്യയുടെ ദുബായി-കൊച്ചി ഡ്രീലൈനര്‍ വിമാനം ഫെബ്രുവരി 1 മുതല്‍ പ്രതിദിന സര്‍വ്വീസ് ആരംഭിക്കുന്നു. കൂടാതെ ദുബായിൽ നിന്ന് കൊച്ചിയിലേക്ക് പറക്കാന്‍ 275 ദിര്‍ഹം ഓഫർ നിറയ്ക്കും എയർ ഇന്ത്യ പ്രഖ്യാപിച്ചു. ഫെബ്രുവരി ഒന്ന് മുതല്‍ ഇരുപത്തിയെട്ട് വരെ ടിക്കറ്റ് ബുക്ക് ചെയ്യുന്നവര്‍ക്ക് ഈ നിരക്കിൽ യാത്ര ചെയ്യാം.

നെടുമ്പാശ്ശേരി വിമാനത്താവളത്തില്‍ നിന്നും രാവിലെ 9.30 യ്ക്ക് പുറപ്പെടുന്ന വിമാനം, ഉച്ചയ്ക്ക് 12.30ന് ദുബായിയില്‍ എത്തും. ഉച്ചക്ക് 1.30 നാണ് ദുബായിയില്‍ നിന്നും കൊച്ചിയിലേക്ക് വിമാനം പുറപ്പെടുക. ഭക്ഷണവും നാല്‍പ്പത് കിലോഗ്രാം ലഗേജും യാത്രക്കാര്‍ക്ക് ലഭിക്കും.