ഐ.എസിന്റെ നിഷ്‌ക്രൂരമായ മറ്റൊരു വീഡിയോ ഓൺലൈനിൽ പ്രചരിക്കുകയാണ്. തടവുകാരനെ കൊല്ലാന്‍ പിഞ്ചുകുഞ്ഞിനെ കൊണ്ട് നിറയൊഴിപ്പിക്കുന്ന ദൃശ്യങ്ങളാണ് ഇപ്പോൾ പ്രചരിക്കുന്നത്. സിറിയയില്‍ നിന്നാണ് വീഡിയോ ചിത്രീകരിച്ചിരിക്കുന്നത്.
വീഡിയോ ആരംഭിക്കുന്നത് കറുത്ത വസ്ത്രവും തൊപ്പിയും ധരിച്ച കുഞ്ഞ്, ആളൊഴിഞ്ഞ അമ്യൂസ്‌മെന്റ് പാര്‍ക്കില്‍ കൈകള്‍ കെട്ടിയിട്ട നിലയില്‍ കിടക്കുന്ന തടവുകാരന് നേരെ നടക്കുന്നതായിട്ടാണ്. തുടർന്ന് സമീപത്തുണ്ടായിരുന്ന കറുത്ത വസ്ത്രം ധരിച്ച ഒരാള്‍ കുഞ്ഞിന് തോക്ക് കൈമാറുന്നു. ഒരുനിമിഷം പോലും പാഴാക്കാതെ കുട്ടി തടവുകാരനെതിരെ നിറയൊഴിക്കുന്നതോടെ ദൃശ്യം അവസാനിക്കുന്നു. സംഭവത്തിന്റെ ദൃശ്യങ്ങൾ നവമാധ്യമങ്ങളിൽ വൈറലായി മാറിയിരിക്കുകയാണ്. ഐഎസ് തീവ്രവാദികള്‍ വീഡിയോ പുറത്തുവിട്ടിരിക്കുന്നത് ‘അവന്റെ രക്തത്തിലുള്ളത്’ എന്ന അറബിക് തലക്കെട്ടോടെയാണ്.
കൊല്ലപ്പെട്ട വ്യക്തി കുര്‍ദിഷ് വര്‍ക്കര്‍ പാര്‍ട്ടി അംഗമാണെന്നാണ് റിപ്പോര്‍ട്ട്. സിറിയയിലെ ഐസ് തീവ്രവാദികള്‍ക്കെതിരെ 2014 ജൂലൈ മുതല്‍ പോരാട്ട പാതയിലാണ് കുര്‍ദിഷ് വര്‍ക്കര്‍ പാര്‍ട്ടി.
Post Your Comments