റെയില്‍വേ ട്രാക്കില്‍ വീണു കിടക്കുന്ന ആളെ പാഞ്ഞടുക്കുന്ന ട്രെയിനിന് മുന്നില്‍ നിന്നും അതിസാഹസികമായി രക്ഷിക്കുന്ന നായകനെ നമ്മൾ സിനിമകളിലും നോവലുകളിലും ഒക്കെ കണ്ടിട്ടുണ്ട്. എന്നാൽ സിനിമ കഥയെ വെല്ലുന്ന രീതിയിൽ ഒരു സാഹസികതയാണ് ഈ വിഡിയോയിൽ കാണുന്നത്. മരണം കൂകിവിളിച്ചെത്തിയ ട്രാക്കില്‍ നിന്നും മദ്യപാനിയായ ഒരാളെ രക്ഷപ്പെടുത്തുന്ന റെയില്‍വേ ജീവനക്കാരനാണ് ഇപ്പോള്‍ നവമാധ്യമങ്ങളിലെ ഹീറോ.
മദ്യപിച്ച് ലക്ക് കെട്ട ഒരാള്‍ സൈക്കിളുമായി ട്രാക്ക് മുറിച്ച് കടക്കാന്‍ ശ്രമിക്കുന്നു. എന്നാല്‍ നേരെ നില്‍ക്കാന്‍ പോലും സാധിക്കാത്ത അയാള്‍ ട്രാക്കിലേക്ക് വീഴാനൊരുങ്ങുകയാണ്. ട്രാക്കിനും പാഞ്ഞടുക്കുന്ന ട്രെയിനിനും ഇടയില്‍ ബോധമില്ലാതെ നില്‍ക്കുകയാണ് അയാള്‍. ട്രെയിന് മദ്യാപാനിയുടെ അടുത്തെത്താറായപ്പോഴാണ് റെയില്‍വേ ജീവനക്കാരന്‍ ആ വഴി വന്നത്. ഇടിച്ചു ഇടിച്ചില്ലെന്ന മട്ടില്‍ തൊട്ടടുത്തെത്തിയ ട്രെയിനിന് മുന്നില്‍ നിന്നും റെയില്‍വേ ജീവനക്കാരന്‍ മദ്യപാനിയെ തള്ളി ട്രാക്കിന് പുറത്തേക്കിട്ടു. വീഡിയോ നവമാധ്യമങ്ങളില്‍ വൈറലായി മാറിയിരിക്കുകയാണ്.
Post Your Comments