പ്രാഗ്: ബോംബ് ഭീഷണിയെത്തുടർന്ന് വിമാനം അടിയന്തരമായി നിലത്തിറക്കി. സ്‌പെയിനിലെ ലാസ് പാല്‍മാസില്‍ നിന്ന് വാഴ്‌സയിലേക്ക് പോയ വിമാനമാണ് ബോംബ് ഭീഷണിയെത്തുടര്‍ന്ന് ചെക്കോസ്ലോവോക്യയിലെ പ്രാഗിലിറക്കിയത്.വിമാനത്തിൽ 160 യാത്രക്കാരുണ്ടായിരുന്നു. ബോംബ് ഭീഷണിയുണ്ടെന്ന് പൈലറ്റ് അറിയിച്ചതിനെത്തുടര്‍ന്നാണ് വിമാനം അടിയന്തരമായി നിലത്തിറക്കാന്‍ ചെക്ക് അധികൃതര്‍ അനുവദിച്ചത്. യാത്രക്കാരെല്ലാവരും സുരക്ഷതരാണെന്നും എല്ലാവരേയും വിമാനത്തില്‍ നിന്ന് പുറത്തിറക്കിയതായും ചെക്ക് അധികൃതര്‍ അറിയിച്ചു.
ഭീഷണിമുഴക്കിയ ആളെ അധികൃതർ അറസ്റ്റ് ചെയ്തിട്ടുണ്ട്. പോളിഷ് പൗരനാണ് അറസ്റ്റിലായത്. എന്നാല്‍ ഇയാളുടെ കൈവശം ബോംബുണ്ടായിരുന്നോ എന്ന കാര്യം വ്യക്തമല്ല.കൂടുതല്‍ പരിശോധനകള്‍ക്ക് ശേഷം മാത്രമെ വിമാനം പുറപ്പെടുകയുള്ളുവെന്ന് അധികൃതര്‍ അറിയിച്ചു.
Post Your Comments