മുംബൈ: വികസന പ്രവര്‍ത്തനങ്ങള്‍ നടപ്പാക്കിയാല്‍ മാത്രം തിരഞ്ഞെടുപ്പില്‍ വിജയിക്കാന്‍ കഴിയില്ലെന്ന് ബി.ജെ.പി എം.പി സുബ്രഹ്മണ്യന്‍ സ്വാമി. ഹിന്ദുത്വ അജണ്ട ഉയര്‍ത്തിക്കാട്ടാതെ ബി.ജെ.പിക്ക് ഒരിക്കലും തിരഞ്ഞെടുപ്പില്‍ വിജയിക്കാനാകില്ലെന്നും അദ്ദേഹം പറഞ്ഞു. ശിവസേനാ നേതാവും രാജ്യസഭാ എം.പിയുമായ സഞ്ജയ് റാവത്തിന്റെ പുസ്തകപ്രകാശനചടങ്ങിൽ സംസാരിക്കുകയായിരുന്നു അദ്ദേഹം.
വ്യാവസായിക വിപ്ലവം കൊണ്ടുവന്ന രാജീവ്ഗാന്ധിക്കും റേഷന്‍വില പിടിച്ചുനിര്‍ത്തിയ മൊറാര്‍ജി ദേശായിക്കും ലൈസന്‍സ് രാജ് ഇല്ലാതാക്കിയ നരസിംഹറാവുവിനും അടുത്ത തിരഞ്ഞെടുപ്പിന് ശേഷം അധികാരം ലഭിച്ചിട്ടില്ലെന്ന് ഉദാഹരണമായി അദ്ദേഹം ചൂണ്ടിക്കാട്ടി. വികസന പ്രവര്‍ത്തനങ്ങള്‍ അത്യാവശ്യമാണ്. എന്നാല്‍ അതുമാത്രം പോരായെന്നും അദ്ദേഹം അഭിപ്രായപ്പെട്ടു
Post Your Comments