ജയലളിതയുടെ ശവകുടീരത്തിൽ നിന്നും അസാധാരണശബ്‌ദം: മറീന ബീച്ചിലേക്ക് ആളുകളുടെ പ്രവാഹം

ചെന്നൈ : ജയലളിതയുടെ ശവകുടീരത്തില്‍ നിന്നും അസാധാരണ ശബ്ദം കേള്‍ക്കുന്നുവെന്ന് റിപ്പോർട്ടുകൾ. റിപ്പോര്‍ട്ട് പ്രചരിച്ചതിനു പിന്നാലെ അമ്മ ആരാധകരുടെ വന്‍ പ്രവാഹമാണ് ചെന്നൈ മറീന ബീച്ചിലെ ജയലളിതയുടെ ശവകൂടീരത്തിലേക്ക് എത്തിക്കൊണ്ടിരിക്കുന്നത്.

ശവസംസ്‌കാര സമയം ജയലളിതയുടെ കൈയ്യില്‍വാച്ച് കെട്ടിയിരുന്നു. വാച്ചിലെ സൂചികളുടെ ശബ്‌ദമാണ് പുറത്ത് കേൾക്കുന്നത്. ജയലളിതയ്ക്ക് ഏറെ പ്രിയപ്പെട്ട വാച്ച് ആയിരുന്നു ഇത്. എന്തായാലും ജയലളിതയുടെ ശവകുടീരത്തില്‍ നിന്നും ഉയരുന്ന ശബ്‌ദം കേൾക്കാനായി നിരവധി പേരാണ് എത്തുന്നത്. ശബ്‌ദം കേൾക്കാനായി ശവകുടീരത്തിനു മേല്‍ ചെവിയോര്‍ത്തു നില്‍ക്കുന്ന അമ്മ ആരാധകര്‍ ഇവിടെ പതിവു കാഴ്ചയായിരിക്കുകയാണ്.