ഡെറാഡൂണ്‍: ബോളിവുഡ് ചലച്ചിത്ര-സീരിയല്‍ നടി ഹിമാനി ശിവ്പുരി ബിജെപിയില്‍ അംഗത്വം സ്വീകരിച്ചു. പ്രധാനമന്ത്രി നരേന്ദ്രമോദിയുടെ പ്രവര്‍ത്തനത്തിലും കാഴ്ചപ്പാടിലും ആകൃഷ്ടയായാണ് താന്‍ ബിജെപിയില്‍ എത്തുന്നതെന്ന് താരം പറയുന്നു.
നിയമസഭാ തെരഞ്ഞെടുപ്പ് അടുത്തിരിക്കെയാണ് നടിയുടെ ബിജെപിയിലേക്കുള്ള വരവ്. ബിജെപി സംസ്ഥാന പ്രസിഡന്റ് ജ്യോതി പ്രസാദ് ഗെയ്‌റോളയുടെ അധ്യക്ഷതയില്‍ പാര്‍ട്ടി ആസ്ഥാനത്തുനടന്ന ചടങ്ങില്‍ ഹിമാനി ബിജെപി അംഗത്വം സ്വീകരിച്ചു. ഒട്ടേറെ ബോളിവുഡ് ചിത്രങ്ങളിലും സീരിയലുകളിലും പരസ്യങ്ങളിലും അഭിനയിച്ചിട്ടുള്ള ഉത്തരാഖണ്ഡില്‍നിന്നുള്ള നടിയാണ് ഹിമാനി ശിവ്പുരി.
Post Your Comments