സിറിയ : സിറിയയിലെ പാല്‍മിറയില്‍ ഇസ്ലാമിക് സ്റ്റേറ്റ് ഭീകരരുടെ മിസൈല്‍ ആക്രമണത്തില്‍ നിന്നു റഷ്യന്‍ പൈലറ്റുമാര്‍ രക്ഷപ്പെട്ടത് തലനാരിഴക്ക്. റഷ്യയുടെ സെര്‍ച്ച് ആന്‍ഡ് റെസ്‌ക്യൂ സംഘത്തിലെ രണ്ടു പൈലറ്റുമാരാണ് രക്ഷപ്പെട്ടത്. സാങ്കേതിക തകരാറിനെ തുടര്‍ന്ന് ഹെലികോപ്റ്റര്‍ നിലത്തിറക്കിയതായിരുന്നു. എന്നാല്‍ പെട്ടെന്നാണ് ഐ.എസ് ഭീകരരുടെ മിസൈല്‍ വന്നുവീണത്.
ആക്രമണത്തില്‍ നിന്നു രക്ഷപ്പെട്ട പൈലറ്റുമാര്‍ ലതാകിയയിലെ എയര്‍ബേസില്‍ സുരക്ഷിതമായി എത്തിയെന്ന് റഷ്യന്‍ പ്രതിരോധ മന്ത്രാലയം അറിയിച്ചു.
ഐ.എസിനെ തങ്ങള്‍ ഭൂമുഖത്ത് നിന്നും തുടച്ചുനീക്കുമെന്ന് റഷ്യ കഴിഞ്ഞ ദിവസം വ്യക്തമാക്കിയിരുന്നു. ഇതാണ് ഇപ്പോള്‍ റഷ്യക്കുനേരെ ഐ.എസ് ആക്രമണം അഴിച്ചുവിട്ടത്. ഇതിനെതിരെ തങ്ങള്‍ ശക്തമായി പ്രതികരിക്കുമെന്ന് റഷ്യന്‍ പ്രസിഡന്റ് പുടിന്‍ പ്രതികരിച്ചു.
Post Your Comments