കൊല്ലം : പൊലീസ് സ്റ്റേഷനുള്ളില്‍ നിന്നു പൊലീസുകാരന്റെ തൊപ്പി വച്ച് പ്രതികളുടെ സെല്‍ഫി. കൊല്ലം ശക്തികുളങ്ങര പൊലീസ് സ്റ്റേഷനിലാണു സംഭവം. എഎസ്ഐയുടെ തൊപ്പി തലയില്‍ വച്ചാണു യുവാക്കള്‍ സെല്‍ഫിയെടുത്ത് ഫേസ്ബുക്കില്‍ പോസ്റ്റ് ചെയ്തത്. പെറ്റിക്കേസില്‍ കസ്റ്റഡിയിലെടുത്ത മൂന്ന് പേരാണു സെല്‍ഫി പോസ്റ്റ് ചെയ്തത്.
സാജ് അലോഷ്യസ്, ടോണി ഫ്രാന്‍സിസ്, ബിജോ ബെന്‍ എന്നിവരായിരുന്നു പ്രതികള്‍. ‘ഫീലിങ് ഹാപ്പി ഫ്രം കാവനാട് പൊലീസ് സ്റ്റേഷന്’ എന്ന കുറിപ്പുമിട്ടാണു സെല്‍ഫി പോസ്റ്റ് ചെയ്തിരിക്കുന്നത്. പരസ്യമായി മദ്യപിക്കുന്നു എന്ന നാട്ടുകാരുടെ പരാതിയിന്‍ മേലാണ് പൊലീസ് ഇവരെ പിടികൂടിയത്. സ്റ്റേഷനിലെ പൊലീസുകാരുടെ അനുമതിയോടെയാണ് ഫോട്ടോ എടുത്തിരിക്കുന്നത് എന്നാണു റിപ്പോര്‍ട്ട്
Post Your Comments