പ്രകോപനം തുടരുന്നു: വീണ്ടും വെടിനിർത്തൽ കരാർ ലംഘിച്ച് പാകിസ്ഥാൻ

ജമ്മു: അതിർത്തിയിൽ പ്രകോപനം സൃഷ്ടിച്ച് വീണ്ടും പാക് വെടിവെപ്പ്​. ജമ്മു കശ്മീരിലെ അഖ്നൂറിൽ ഇന്ത്യൻ പോസ്റ്റുകൾക്കു നേരെയാണ് പാക് സേന വെടിയുതിർത്തത്. രണ്ടു ദിവസത്തിനിടെയുണ്ടായ അഞ്ചാമത്തെ വെടിനിർത്തൽ ലംഘനമാണിത്. അതിർത്തിയിൽ ജാഗ്രത നിർദേശം നൽകിയിട്ടുണ്ട്. ഇതിനെത്തുടർന്ന് അതിർത്തിയോട് ചേർന്നുള്ള ഗ്രാമങ്ങൾ ഒഴിപ്പിച്ചു തുടങ്ങി. അതിർത്തിയിൽ നിന്ന്​ ഒഴിപ്പിച്ചവർക്കായി പ്രത്യേക ക്യാമ്പുകൾ തുറന്നു.

പ്രധാനമന്ത്രിയുടെ നേതൃത്വത്തിൽ , സുരക്ഷാ വിലയിരുത്തലുകള്‍ക്കായി കേന്ദ്രമന്ത്രിസഭയുടെ സുരക്ഷാകാര്യസമിതി അടിയന്തരയോഗം ഇന്നു ചേരും.