ന്യൂഡല്‍ഹി: മാധ്യമപ്രവര്‍ത്തകന്‍ രാജ്ഡിയോ രഞ്ജന്റെ കൊലപാതകവുമായി ലാലു പ്രസാദ് യാദവിന്റെ മകന് എന്താണ് ബന്ധം? ക്രമിനലുകളുമായുള്ള ചങ്ങാത്തമാണ് ബിഹാര്‍ ആരോഗ്യമന്ത്രിയായ തേജ് പ്രതാപിനു നേരെ വിരല്‍ ചൂണ്ടുന്നത്.
കൊലപാതകത്തില്‍ പങ്കുള്ള ആളുകളെ തേജ് പ്രതാപ് സംരക്ഷിക്കുന്നുവെന്നാണ് ആരോപണം. സംഭവത്തില്‍ വിശദീകരണം ആവശ്യപ്പെട്ട് സുപ്രീംകോടതി തേജ് പ്രതാപിന് നോട്ടീസയച്ചു. രഞ്ജന്റെ ഭാര്യ അദ്ദേഹത്തിന്റെ കൊലപാതക കേസ് വിചാരണയ്ക്കായി ഡല്‍ഹിയിലേക്ക് മാറ്റണമെന്ന് ആവശ്യപ്പെട്ട് നല്‍കിയ ഹര്‍ജിയിലാണ് സുപ്രീംകോടതി ആശങ്ക പ്രകടിപ്പിച്ചത്.
കേസിലെ പ്രതിയായ മുഹമ്മദ് കെയ്ഫിനോടൊപ്പം തേജ് നില്‍ക്കുന്ന ചിത്രങ്ങള്‍ മാധ്യമങ്ങളില്‍ നിറഞ്ഞുനിന്നിരുന്നു. ഇതാണ് ആരോപണത്തിന് വഴിവെച്ചത്.
Post Your Comments