കൊല്ലം : കൊല്ലത്ത് ബൈക്ക് യാത്രികന്റെ തലയ്ക്കടിച്ച പോലീസുകാരന് സസ്പെന്ഷന്. എ.ആര്‍. ക്യാമ്പിലെ പോലീസുകാരന് മാഷ്ദാസിനാണ് സസ്പെന്ഷന് ലഭിച്ചിരിക്കുന്നത്. സിറ്റി പോലീസ് കമ്മിഷണറാണ് സസ്പെന്ഷന് ഉത്തരവിട്ടത്.
ഇന്ന് വൈകിട്ട് അഞ്ചരയോടെ കെഎസ്ആര്‍ടിസി ബസ് സ്റ്റാന്‍ഡിന് സമീപം ആശ്രാമം ലിങ്ക് റോഡിലാണ് സംഭവം. ഹെല്‍മറ്റ് ധരിക്കാതെ പോയ കടപ്പാക്കട സ്വദേശി സന്തോഷിനെ വാഹന പരിശോധയ്ക്ക് നിന്ന ട്രാഫിക് പോലീസ് ഉദ്യോഗസ്ഥനാണ് വയര്‍ലെസ്സ് സെറ്റുകൊണ്ട് തലയ്ക്കടിച്ച് പരിക്കേല്‍പ്പിച്ചത്. സംഭവത്തെ തുടര്‍ന്ന് ഏകദേശം അരമണിക്കൂറോളം സന്തോഷിനോടൊപ്പം നാട്ടുകാര്‍ റോഡ് ഉപരോധിച്ചു. തുടര്‍ന്ന് ആശ്രാമം ലിങ്ക് റോഡ് വഴിയുള്ള ഗതാഗതം പൂര്‍ണമായും സതംഭിച്ചു. പിന്നീട് എസിപി ജോര്‍ജ് കോശിയുടെ നേതൃത്വത്തിലുള്ള പോലീസ് സംഘമെത്തിയാണ് സ്ഥിതിഗതികള്‍ ശാന്തമാക്കി സന്തോഷിനെ ആശുപത്രിയിലേക്ക് മാറ്റിയത്.
വയര്‍ലെസ്സ് സെറ്റുകൊണ്ടുള്ള അടിയില്‍ സന്തോഷിന് സാരമായി പരിക്കേറ്റു. ചെവിക്കു മുകളിലാണ് അടികൊണ്ടത്. സംഭവത്തെ കുറിച്ച് അന്വേഷിച്ച് ഇന്നു തന്നെ റിപ്പോര്‍ട്ട് നല്‍കാന്‍ എ.സി.പി നിര്‍ദേശം നല്‍കിയിരുന്നു.
Post Your Comments