ഷാര്‍ജയിലേക്ക് പുതിയ ജെറ്റ് എയര്‍വേയ്സ് സര്‍വീസ്

മംഗളൂരു ● ജെറ്റ് എയര്‍വേയ്സ് യു.എ.ഇയിലെ ഷാര്‍ജയിലേക്ക് മംഗളൂരുവില്‍ നിന്ന് നേരിട്ടുള്ള സര്‍വീസ് ആരംഭിക്കുന്നു. ആഗസ്റ്റ്‌ 7 മുതലാണ് പുതിയ വിമാനം ആരംഭിക്കുന്നത്.

രാവിലെ 9.30 ന് മംഗളൂരുവില്‍ നിന്ന് പുറപ്പെടുന്ന വിമാനം 11.45 ന് ഷാര്‍ജയില്‍ ലാന്‍ഡ് ചെയ്യും. മടക്കവിമാനം യു.എ.ഇ സമയം ഉച്ചയ്ക്ക് 12.45 ന് ഷാര്‍ജയില്‍ നിന്ന് പുറപ്പെട്ട് ഇന്ത്യന്‍ സമയം വൈകിട്ട് 5.55 ന് മംഗളൂരുവില്‍ എത്തിച്ചേരും.

ഇവിടെ നിന്നും യു.എ.ഇയിലെ നഗരങ്ങളിലേക്കുള്ള ജെറ്റിന്റെ മൂന്നാമത്തെ സര്‍വീസ് ആണിത്. നിലവില്‍ മംഗളൂരുവില്‍ നിന്നും അബുദാബി, ദുബായ് നഗരങ്ങളിലേക്ക് ജെറ്റ് എയര്‍വേയ്സ് സര്‍വീസ് നടത്തുന്നുണ്ട്.