നോയ്ഡ: 9 മാസം മുന്‍പ് മോഷണം പോയ ഹോണ്ട സിറ്റി കാര്‍ ഒഎല്എക്സില് വില്‍പ്പനയ്ക്ക്. കഴിഞ്ഞ ആഗസ്റ്റ് മാസത്തിലായിരുന്നു കാര്‍ മോഷണം പോയത്. മറ്റൊരു വാഹനം വാങ്ങാന്‍ ഒഎല്എക്സില് തിരയുന്നതിനിടയിലാണ് മോഷണം പോയ വാഹനത്തിന്റെ നമ്പര്‍ ഉടമയായ കുല്‍വന്റ് സിങിന്റെ ശ്രദ്ധയില്‍പ്പെട്ടത്. വീടിനു പുറത്ത് പാര്‍ക്ക് ചെയ്തിരുന്ന വാഹനമാണ് മോഷണം പോയത്. പോലീസ് സ്റ്റേഷനില്‍ പരാതി നല്‍കിയെങ്കിലും കണ്ടെത്താന്‍ സാധിച്ചില്ല. താല്‍ക്കാലിക ഉപയോഗത്തിനായി കാര്‍ തിരയുന്നതിനിടയില്‍ സ്വന്തം കാര്‍ കണ്ടെത്തിയ കുല്‍വന്റ് സിങ് പോലീസില്‍ അറിയിക്കുകയായിരുന്നു.
പരസ്യം നൽകിയ വ്യക്തിയുടെ നമ്പർ എടുത്ത് പോലീസിന്റെ സഹായത്തോടെ ബന്ധപെടുകയായിരുന്നു. എന്നാൽ മറ്റൊരാളിന്റെ കയ്യിൽ നിന്നാണ് കാർ വാങ്ങിയതെന്ന് അയാൾ പറഞ്ഞു. യഥാർത്ഥ പ്രതിക്കായി തിരച്ചിൽ തുടരുകയാണ്.
Post Your Comments