കിളിമാനൂര്‍: തളച്ചിട്ടിരുന്ന ആനയ്ക്കൊപ്പം നിന്നു സെല്‍ഫിയെടുത്ത യുവാവിനെ വിരണ്ട ആന ഗുരുതരമായി കുത്തി പരുക്കേല്‍പ്പിച്ചു.ആറ്റിങ്ങല്‍ മാമം സ്വദേശി ശ്രീലാലിനാണ് പരുക്കേറ്റത്. ശ്രീലാല്‍ ഇപ്പോള്‍ തിരുവനന്തപുരം മെഡിക്കല്‍ കോളേജില്‍ ചികിത്സയിലാണ്.
കിളിമാനൂര്‍ ദേവേശ്വരം ഉമാമഹേശ്വരന്‍ ക്ഷേത്രത്തില്‍ ഇന്നലെ പുലര്‍ച്ചെ ഒന്നിനാണു സംഭവം. ക്ഷേത്രത്തില്‍ എഴുന്നള്ളത്തിനു കൊണ്ടുവന്ന ആനയെ ക്ഷേത്ര വളപ്പില്‍ തളച്ച ശേഷം സമീപത്തായി പാപ്പാന്മാര്‍ കിടന്ന് ഉറങ്ങുകയായിരുന്നു.ആനയ്ക്ക് പഴം കൊടുത്താണു സെല്‍ഫിയെടുത്തത്. സെല്‍ഫിയെടുക്കുന്നതിനിടെ ശ്രീലാലിനെ തുമ്പിക്കൈ കൊണ്ട് അടിച്ചിട്ടശേഷം കുത്തുകയായിരുന്നു. ആദ്യത്തെ കുത്തില്‍ ശ്രീലാല്‍ കൊമ്പുകള്‍ക്കിടയില്‍ പെട്ടത് രക്ഷയായി. രണ്ടാമത്തെ കുത്താണ് തുടയിലേറ്റത്. നിലവിളി കേട്ട് എത്തിയ പാപ്പാനാണു ശ്രീലാലിനെ രക്ഷപ്പെടുത്തിയത്.
Post Your Comments