സ്റ്റേജ് ഷോയ്ക്കിടെ പാമ്പിന്റെ കടിയേറ്റ് പോപ് ഗായിക ഇമ്ര ബ്ലൂ (21) മരിച്ചു.ഷോയുടെ ഭാഗമായി കൊണ്ടു വന്ന പാമ്പാണ് ഇമ്രയെ കടിച്ചത്.
പരിപാടിക്കിടെ ഇമ്ര അബദ്ധത്തില്‍ രാജവെമ്പാലയുടെ വാലില്‍ ചവിട്ടുകയായിരുന്നു. ചവിട്ടേറ്റതോടെയാണ് പാമ്പ് ഇമ്രയുടെ തുടയില്‍ കടിച്ചത്. ഇമ്രയ്ക്ക് കടിയേറ്റതായി കാണികള്‍ക്കു പോലും വ്യക്തമായിരുന്നില്ല. 45 മിനിറ്റിന് ശേഷം ഇമ്ര കുഴഞ്ഞു വീണപ്പോഴാണ് കാണികളും വിവരമറിഞ്ഞത്..കടിയേറ്റിട്ടും പരിപാടി നിര്‍ത്താനോ ചികിത്സ തേടാനോ ഇമ്ര തയ്യാറായില്ല. 45 മിനിറ്റോളം പരിപാടി തുടര്‍ന്ന ശേഷം ഇമ്ര മരണത്തിന് കീഴടങ്ങുകയായിരുന്നു.
ഇന്തോനേഷ്യയിലെ വെസ്റ്റ് ജാവ പ്രവിശ്യയിലാണ് സംഭവം നടന്നത്. ഇമ്രയുടെ പരിപാടികളില്‍ പാമ്പും സ്ഥിര സാന്നിധ്യമാണ്. വിഷമില്ലാത്ത പാമ്പുകളെയാണ് പരിപാടിക്കായി ഉപയോഗിച്ചിരുന്നത്. എന്നാല്‍ ഇത്തവണ ഉഗ്രവിഷമുള്ള രാജവെമ്പാലയെയാണ് കൊണ്ടുവന്നത്.
Post Your Comments