ന്യൂഡല്‍ഹി: ട്വന്റി -20 ലോകകപ്പില്‍ നിന്ന് പാകിസ്ഥാന് പുറത്തായി. നിര്‍ണ്ണായക മത്സരത്തില്‍ ഓസ്‌ട്രേലിയയോടും തോറ്റതോടെയാണ് പാകിസ്ഥാന് പുറത്തേക്കുള്ള വഴി തെളിഞ്ഞത്. 194 റണ്സ് വിജയ ലക്ഷ്യവുമായി ഇറങ്ങിയ പാകിസ്‌താന്‌ എട്ട്‌ വിക്കറ്റില്‍ 172 റണ്സ് എടുക്കാനേ കഴിഞ്ഞുള്ളു.43 പന്തില്‍നിന്ന്‌ 61 റണ്‍സെടുത്ത സ്‌മിത്തിന്റെ പോരാട്ടമാണ്‌ ഓസ്‌ട്രേലിയന്‍ റണ്‍റേറ്റിന്‌ അടിത്തറ പാകിയത്‌. 18 പന്തില്‍ 30 റണ്‍സുമായി മാക്‌സ്വെല്ലും 21 റണ്‍സില്‍നിന്ന്‌ 44 റണ്‍സുമായി വാട്‌സണും ചേര്‍ന്നപ്പോള്‍ റണ്‍വേട്ട വേഗത്തിലായി. പാക്‌ നായകന്‍ അഫ്രീദിയുടെ ഇന്നിങ്‌സ് പെട്ടെന്ന്‌ അവസാനിച്ചു. 7 പന്തില്‍നിന്ന്‌ 14 റണ്‍സായിരുന്നു അഫ്രീദിയുടെ സമ്പാദ്യം. 41 പന്തില്‍ 46 റണ്സ് നേടിയ ഖാലിദാണ്‌ പാക്‌ നിരയിലെ ടോപ്‌ സ്‌കോറര്‍.
Post Your Comments