സിപിഎം പ്രവര്‍ത്തകരുടെ വെട്ടേറ്റു മരിച്ച ആര്‍.എസ്.എസ് പ്രവര്‍ത്തകനു ജാതി മത ഭേതമന്യേ നാട്ടുകാരുടെ ബാഷ്പാഞ്ജലി

കണ്ണൂര്‍: പാപ്പിനിശ്ശേരിക്ക് സമീപം അരോളിയില്‍ സിപിഎമ്മിന്റെ വെട്ടേറ്റുമരിച്ച ആര്‍എസ്എസ് മുന്‍ മണ്ഡല്‍ കാര്യവാഹ് അരോളി ഗവണ്‍മെന്റ് ഹൈസ്‌ക്കൂളിനു സമീപം ആസാദ് കോളനി നഗറിലെ പരക്കോത്ത് വളപ്പില്‍ ജനാര്‍ദ്ദനന്റെ മകന്‍ സുജിത്ത് ((27) ന് നാട്ടുകാരുടെ അന്ത്യാഞ്‌ലി. ജാതിമത ഭേതമന്യേയാണ് നാട്ടുകാര്‍ സുജിത്തിന് അന്ത്യോപചാരം അര്‍പ്പിക്കാനെത്തിയത്. തിങ്കളാഴ്ച രാത്രി 11.30 ഓടെ വീട്ടില്‍ നിന്നും വിളിച്ചിറക്കിയാണ് സുജിത്തിനെ വെട്ടിയും അടിച്ചും കൊന്നത്. സുജിത്തിന്റെ കൊലപാതകവുമായി ബന്ധപ്പെട്ട് 10 സിപിഎം പ്രവര്‍ത്തകരെ പോലീസ് കസ്റ്റഡിയിലെടുത്തിട്ടുണ്ട്. മാതാപിതാക്കളുടെയും സഹോദരന്റെയും കണ്‍മുന്നില്‍ വച്ചാണ് സുജിത്തിനെ ക്രൂരമായി കൊലപ്പെടുത്തിയത്.