ദില്ലി: ലോക്ക്ഡൗണില്‍ സ്ത്രീകള്‍ അനുഭവിക്കുന്ന ഗാര്‍ഹിക പീഡനങ്ങള്‍ വര്‍ധിക്കുന്നതിനാല്‍ ഇതേ കുറിച്ച് പരാതി നല്‍കാന്‍ ദേശീയ വനിതാ കമ്മീഷന്റെ പുതിയ വാട്സാപ്പ് നമ്പര്‍. 7217735372 എന്ന നമ്പരിലാണ് വാട്സാപ്പിലൂടെ പരാതി അറിയിക്കാവുന്നത്. നേരത്തെ ലോക്ക്ഡൗണില്‍ മാനസികസമ്മര്‍ദ്ദം അനുഭവിക്കുന്ന സ്ത്രീകള്‍ക്കായി ഫോണിലൂടെ കൗണ്‍സലിംഗുമായി സംസ്ഥാന വനിതാ കമ്മീഷന്‍ രംഗത്തെത്തിയിരുന്നു.
ഗാര്‍ഹിക പീഡനങ്ങള്‍ സംബന്ധിച്ച് ഒട്ടേറെ പരാതികള്‍ ഫോണിലൂടെ ലഭിക്കുന്നുണ്ട്. ഇതില്‍ കൂടുതലും മദ്യം ലഭിക്കാതെ വരുമ്പോഴുളള പുരുഷന്‍മാരുടെ അക്രമണങ്ങള്‍ ആണ്. മാനസിക സമ്മര്‍ദം അനുഭവിക്കുന്ന സ്ത്രീകള്‍ക്കായി വീട്ടിലിരുന്നും കൗണ്‍സലിംഗ് നല്‍കുകയും പരാതികള്‍ ഫോണിലൂടെ കേട്ട് പരിഹാരം നല്‍കുകയുമാണ് കേരള വനിതാ കമ്മീഷന്‍ അധ്യക്ഷയും അംഗങ്ങളും.
Post Your Comments