ന്യൂഡല്‍ഹി: വിമാനത്തില്‍ വനിതാ ജീവനക്കാരിയോട് മോശമായി പെരുമാറിയ കോട്ടയംകാരന്‍ പിടിയില്‍. ജിദ്ദയില്‍നിന്നും ഡല്‍ഹിക്കുവരികയായിരുന്ന സൗദി എയര്‍ലൈന്‍സ് വിമാനത്തിലായിരുന്നു സംഭവം. കോട്ടയം സ്വദേശി അബ്ദുള്‍ ഷാഹിദ് ഷംസുദ്ദീന്‍ ആണ് പിടിയിലായത്. സിഗരറ്റ് കത്തിക്കുന്നത് തടഞ്ഞതാണ് സംഭവത്തിനു കാരണമായത്. സിഗരറ്റ് കത്തിക്കരുതെന്ന് ഷംസുദ്ദീനോട് ജീവനക്കാരി ആവശ്യപ്പെട്ടപ്പോള്‍ അസഭ്യം പറഞ്ഞു.
ഉടന്‍ തന്നെ മറ്റ് ജീവനക്കാരെ വിളിച്ചുവരുത്തിയപ്പോള്‍ വനിതാ ജീവനക്കാരിയുടെ മുന്നില്‍വച്ച്‌ പാന്‍റിന്‍റെ സിബ് അഴിച്ചെന്നാണ് പരാതി. പിന്നീട് അശ്ലീല ആഗ്യം കാണിക്കുകയും ചെയ്തു. വിമാനം ഡല്‍ഹിയിലിറങ്ങിയപ്പോള്‍ സംഭവത്തെക്കുറിച്ച്‌ ജീവനക്കാര്‍ വിമാനത്താവള അധികൃതരെ അറിയിച്ചു. ഇതോടെ സിഐഎസ്‌എഫ് എത്തി ഇയാളെ അറസ്റ്റ് ചെയ്തു. പിന്നീട് ഡല്‍ഹി പോലീസിന് കൈമാറുകയും ചെയ്തു.
Post Your Comments